Nimacipinda no kanang o kato na rana mapazimakmakan so ciring na do macinanao jya a manci no kangay na do Yelosaleng. So ikaro na do dang no alalaw na itoro da jya no kamanrarakehan da no tao do Yotay a kano panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kawakwak da sya. Am ikatlo na araw am mirwa pa mavyay.
Make 10:33 - Seysyo No Tao33 Maniring am, “Citahey kamo, do tamo ipeypangay do Yelosaleng an, da kapanazang nyaken a Nipamnekan na ni Ama ta do to a tao no panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a tao. Ipanci da o kawakwak da jyaken, katoro da nyaken do beken a tao do Yotay. အခန်းကိုကြည့်ပါ။ |
Make 10:33
23 ပူးပေါင်းရင်းမြစ်များ
Apnezak do ikadwa na araw am meykaygi rana sira o panipanirsirngen da no mapatanatanang so nakem da si Ama ta do to a kano kamanrarakehan a kano mangnanao no iwawalam ni Ama ta do to a kano aro a panipanirsirngen. Karahan am pamnekan da na o vazay da. Meyratateng am vaoden da na si Yeso a yangay ji Pilato.
Makarahan am papwen na rana o kananao na so macinanao jya ni Yeso do kakeykai na rana no alalaw na makaranes jya. Maniring jira am, “Mangay o kapakasazi ko so aro a alalaw ko a Nipamnekan na ni Ama ta do to a tao, do kataosya da jyaken no kamanrarakehan a kano panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to a kawakwak da rana jyaken. Am no ikatlo na araw am mirwa ko a mavyay.”
Maniring pa jira am, “Yamai o aro alalaw ko a Nipamnekan na ni Ama ta do to an, a peymakarwan da no kamanrarakehan a kano kabedbedan da rana panipanirsirngen no mapatanatanang so nakem da si Ama ta do to a kano mangnanao so iwawalam ni Ama ta do to a tao a kawakwak da rana jyaken. Am ikatlo na araw am mirwa ko a mavyay.”
Madagdag am hapen da si Yeso do yanan ni Keyava a vahay a kangay da nya do meymatmatngeh nira Loma tao a meyngaran so Pilato. Am ji sira nimacisdep o tao do Yotay. Ta raten da no nakem o kapacisdep da do vahay no beken a tao do Yotay do ipamaringan da so kanen a ingaran da Iyeci. Ta no si macisdep sira am ji da mya sira macipamaring so kanen jira.
Am o yameyvahay do Yelosaleng a tao a kano panipanirsirngen da am da jyatenngi si Yeso a nitovoy ni Ama ta do to a mapatazadang jyaten. Tana yamangday do ipeywalam no tao o na keyyan no da mamizing do peyneynozyan da am da jyatenngi o peypeypangayan no nivatvatkan no panoyonoywan na so ciring ni Ama ta do to a omagaz ji Yeso. So nipangononong no mina ciring da no panoyonoywan na so ciring ni Ama ta do to, do mina kapanci da ni Yeso a wakwaken.
ကြော်ငြာတွေ