Make 10:30 - Seysyo No Tao

³⁰ arwaro pa o makadpeh jya do karawan a vahay na kano kakakteh na kano inyapwan na kano minapodpod jya kano nihakawan na. Am amyan so alalaw na do karawan. Am cyaha, ta mahap na no makwa o to meyyonong a ikavyay no pahad na.

Make 10:30 ပူးပေါင်းရင်းမြစ်များ

Matay 12:32

O komolala jyaken a Nipamnekan na ni Ama ta do to a tao am mavonas o akman sang a raraten. Am omraherahet so Seyzi na ni Ama ta do to a tao am to rana meyyonong a jyavonas o akman sang a raraten.

Matay 13:8

O zomsi do apya so tanatana am apiya o kalidalida na a kapakapya na rana malasi. So iyan no makapoo (100) a kano sikanem a ngarnan (60) a kano sikatlo a ngarnan (30) so kasahasahang.”

Matay 6:33

So ikapinsan na no kakza nyo no katalamozong na ninyo ni Ama ta do to a omahap so isaray na vazay. Ta ori o torwan na nya jinyo so apyahen nyo no nakem.

Locya 18:30

arwaro pa o padpehen na jya sicyakwaya. No makwa kapeyvangon no tao am mahap na rana o to meyyonong a ikavyay no pahad na an.”

Yowani 10:23

Mangonong si Yeso do tezantehed no rako a panaralayan do ngaranan da Solomen am,

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 16:25

Avak no ahep am meynozi si Pawlo a kani Sila kapeyyanwanood da somaray ni Ama ta do to. O kararay da nipteng da am to da ngamiznga sira.

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Loma 5:3

Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

2 Tesalonicya 2:16

Na ikarilaw yaten ni Ama ta do to a kani Yeso Kizisto a Panirsirngen ta. O pangangarilawan na ni Ama ta do to am ori o yapwan no to meyyonong a sarasaray no onowned ta amnanala so nakem na jyaten.

1 Timotay 4:8

Manoyong kapya na no mapazigton so kataotao am makdekdeng pa o kapeypahagnat ta so nakenakem ji Ama ta do to. Ta ori o makasidong jyaten sicyaikwaya kano makwa no myan ta na do teyngato.

1 Timotay 6:6

Manoyong o katey yapya no omahap so vazay na ni Ama ta do to am tana abo nizpi am masaray an.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

Yake 5:11

Tamo ipanci sira tey masaray a tao an, do da kajya haywan no yamyan so alalaw da an. Nimamizing nyo rana si Yepo a jya nimablis so onowned no keyyan no alalaw na. So nyo ipakateneng do kato na ngavosan no alalaw na nisidong na ni Ama ta do to. Ta si Ama ta do to rana am tey rako o pangangarilawan na kano pangangasyan na.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.