Make 10:24 - Seysyo No Tao

²⁴ Yeyyak da no macinanao jya o ciring ni Yeso. Maniring pa si Yeso am, “Manoyong, manga keypong, o kaji na to macitapatapasan no italamozong ni Ama ta do to a tao.

Make 10:24 ပူးပေါင်းရင်းမြစ်များ

Matay 19:25

Mamizing da o ciring na no macinanao jya am mina to ogto sira. Maniring rana sira ji Yeso am, “No akman sang am sino o patazadangen na ni Ama ta do to do teyngato.”

Make 1:27

Isavasavak da no aro a tao. Am ori o nipeysingsingkad da manci no, “Asyo o akman sya vazay. Abo pa o akman sya nimamizing ta a nanao. Asyo oyowyat na ori yato makavozwaw so kalamsoyan ni Satan ang. Na to ngamiznga pa no kalamsoyan ni Satan o ciring na ang.”

Make 10:23

Citahen na ni Yeso o amyan do livolivon na tao am maniring jira am, “Tey masalit sira o aro so kangangay a tao a italamozong ni Ama ta do to.”

Locya 16:14

Mamizing da no tao a macyagom do Vadisay o ciring na ni Yeso am ipeykeykaming da, ta ikakza da o nizpi.

Yowani 13:33

Yalikey rana, manga keypong, ko ipacikaop jinyo. Tana kalahen nyo yaken am ji nyo a kala yaken. Am ko to mancyan rana jinyo sicyaikwaya akman so mina ciring ko do panipanirsirngen da no tao do Yotay. O angayan ko am ji nyo makaranesi.

Yowani 21:5

Maniring si Yeso jira am, “Kokay kamo. Kamo nimakamong an?” Maniring sira am, “Jyabo yasa namen nimamong a yakasahep a!”

Yowani 6:60

Mamizing da ori no macinanao jya am maniring sira am, “Asyo nanao eya a yajyazab. Sino makateneng do dang.”

Cyalatay 4:19

Kamo akmey anak ko na. Ta yatey rako o aryarilaw ko jinyo. So yako icyakmey mavakes a toda jyapaw so totowang so alalaw a omnanao jinyo, mangay no si meynara nyo na si Yeso Kizisto so icicirawat.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

1 Yowani 2:1

O yako peyteygamyan ninyo manga ovay am ko vavagan inyo a kakaro nyo do peyraratenan nyo. Am no si amyan so asa ka tao a meyraraten am cyaha, ta ipasyasi na yaten ni Yeso Kizisto ji Ama ta do to. Ta iya rana am abo o raraten na.

1 Yowani 4:4

Am inyo rana manga ovay am yakamo macikaop ji Ama ta do to. So nyo ikanoyong a yarana nimharag so malas so ipangnanao a tao. Ta yarakorako o oyowyat no Seyzi a yamyan jinyo a kani Satan a tomalamozong nira.

1 Yowani 5:21

Inyo rana manganako am makowyowyat kamo pa mapahawa so kataotao nyo do malas a iraralay da.

Ipaziman 3:17

Kamo maniring am, “Ko mabsoy a yabo so yakalakalahen.” Am nyo jyatenngi nyo katey makasi a tao a mavak so velek a nyo kavota a yabo so ayob.