Make 10:22 - Seysyo No Tao

²² Mamizing na ori no tao ori am to rana meykaraherahet o moing na mangay rana. Ta tey yaro o kangangay na.

Make 10:22 ပူးပေါင်းရင်းမြစ်များ

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Matay 19:22

Mamizing na ori no mowva tao am to na ligaligana o oo na, do kapakanakem na so karo no peymeymasaodan na.

Matay 27:3

Katenngan na rana si Yeso no nimanazang nya a meyngaran so Yota a wakwaken da am maneneseh rana. Karahan am mangay na paolin o atlo a poo (30) a nizpi do panipanirsirngen da no mapatanatanang so nakem da si Ama ta do to a kano kamanrarakehan da no tao do Yotay.

Make 10:21

Citahen ni Yeso o tao ori am ikarilaw na. Maniring am, “Yasa pa mo jya nimapeyvazay. Ipanazang mo o peymeymasaodan mo. O ngina na nizpi am ipangarilaw mo so makasi a tao. Ta ori o iyan no kangangay mo do teyngato a kapacihza mo na jyaken.”

Make 10:23

Citahen na ni Yeso o amyan do livolivon na tao am maniring jira am, “Tey masalit sira o aro so kangangay a tao a italamozong ni Ama ta do to.”

Make 6:20

ta ikanig na ni Helote si Yowani. Ta abo karatan na. Am ori o ji na gogaji nya. Ta ikakza na amizngen o ipangnanao ni Yowani. Am mangday no amizngen na o ipangnanao ni Yowani o kaji nangnedan so ninyakan.

Make 6:26

Mamizing na o ciring na no panirsirngen am ikeyngen na no oo. Am ji na rana pakongo, ta nimamizing da rana no aro a tao o ipanma na ciring. Am ori o ji na makapeyolii so nakem na do mavakes ang.

Locya 12:15

Maniring jira am, “Azimanen nyo kaji nyo mangagoman so meykamadadayan an. Ta tana meynakem o tao ori am beken a ikapintek na do karawan ori.”

Locya 18:23

Mamizing na o ciring ni Yeso am marahet o aktokto na, ta tey yaro o kangangay na.

2 Kedinto 7:10

Ta o omlavi a mamlis do peyraratenan da am niblis na ni Ama ta do to so onowned da a ipeypapya da. Am o monganay do karawan a ilavi no onowned da no ji makanakem si Ama ta do to am ipeykaraherahet da.

Ivoso 5:5

Ta o mangzakza kano mangagom a tao am ji na nalamozongan o akman sang ni Yeso Kizisto a kani Ama ta do to. Ta akma ney pahamahamahen pa o pangagoman na kani Ama ta do to.

2 Timotay 4:10

Ta na nikarwan rana yaken ni Temase a mangay do Tesalonicya, do kapyapya na pa so masaod no karawan. Si Keleseke rana am nimangay do Cyalatay. Si Tito am nimangay do Taarmatiya.