Make 10:21 - Seysyo No Tao

²¹ Citahen ni Yeso o tao ori am ikarilaw na. Maniring am, “Yasa pa mo jya nimapeyvazay. Ipanazang mo o peymeymasaodan mo. O ngina na nizpi am ipangarilaw mo so makasi a tao. Ta ori o iyan no kangangay mo do teyngato a kapacihza mo na jyaken.”

Make 10:21 ပူးပေါင်းရင်းမြစ်များ

Matay 16:24

Karahan am maniring si Yeso do macinanao jya am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Matay 19:21

Maniring si Yeso am, “No si kakzeben mo o kapyapya na pa no ahahapan mo sya am to mo na mimina ipanazang o kangangay mo a ipanidong so makasi a tao. Ta ori iyan no kangangay mo do teyngato, a kapacilolo mo rana jyaken.”

Make 10:22

Mamizing na ori no tao ori am to rana meykaraherahet o moing na mangay rana. Ta tey yaro o kangangay na.

Make 8:34

Makarahan am lovoten na rana ni Yeso o aro a tao a kano macinanao jya do tangain na. Maniring jira am, “No amyan so tao a omonot jyaken am to na pangawawan o kataotao na a somabway no jyojika na macihza jyaken.

Locya 10:42

Am yasa ka vazay pa yamo jya nyahap. Ta si wari mo si Madiya am na nipamnekan o ney yapiya na vazay. So ikabo no tao a makapehes sya jya.”

Locya 12:33

Ipanazang nyo o peymeymasaodan nyo a isidong nyo so ji makahakaw a tao. So ikanoyong nyo amyan do teyngato so peymasaodan a kano kangangay, ta abo dang o tao a tomakaw sya. Abo dang o vozsok a koman sya. So ikanoyong na no peymeymasaodan do dang a ji nyo a giji.

Locya 16:9

Ko pa ciring jinyo am apyapya o kapanidong nyo do karawan so ipangoyongoyod da tao, ta no marateng o araraw nyo am pasdepen na inyo ni Ama ta do to do vahay na do teyngato.

Locya 18:22

Mamizing na ni Yeso o ciring na am patonggalan na. Maniring am, “Am yasa ka vazay pa o mo jya nimahap. Miminen mo a ipanazang o kangangay mo a itoro do ipangoyongoyod da tao. Ta ori o iyan na no keynakman mo do teyngato, a kapacilolo mo rana jyaken.”

Locya 19:41

Toda ji makaranes do Yelosaleng am macita na o ili. Am ori o nilavyan na do tao do dang.

Locya 9:23

Maniring pa jira si Yeso am, “No myan so tao a macilolo jyaken am to na pangawawan o kataotao na somabway no jyojika na a macihza jyaken. Tana wakwaken da am cyaha, ta o akman rana sang a tao am manoyong a omonot jyaken.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Nimlivolivon 2:45

kapanazang da no iheyhakaw da kano kangangay da do vahay da a kavonong da so nginangina na nizpi a itoro do kadwan jira. To da palololwa o itoro da do ikasi da tao.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Timotay 3:12

Mamimin o macilolo ji Yeso Kizisto a mapeyvazay so nanao ni Ama ta do to a peyrarehten da.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.

Yake 2:10

Tana asa nipasobnan no tao do iwawalam am akma ney to zagoma o iwawalam a nipasobnan.

Ipaziman 2:14

Am yamyan pa so yako oyyan ninyo. Yamyan jinyo so yana nicirara ni Palang a yaomonot do nanao ni Palake. Si Palang am yamanci no Isedi a tao a meyraraten a nikoman so mina pazos da so malas a iraralay da a da kapasagpyan so aktokto da.

Ipaziman 2:20

Am yasa ka vazay pa o yako oyyan ninyo. Inyo rana am nyo to amyapya o malas so ciring a mavakes a meyngaran so Yesipi. Na cirarahen o lamlamsoy ko a mapasagpyan so kataotao da a yakoman so pazos da no yamalas a da iraralay.

Ipaziman 2:4

Am yamyan so yasa ka vazay a yako oyyan ninyo. Ori rana am yarana nimablis o nyo kararalay nyaken. So nyo rana jyakmai no kakwa so onowned.