Loma 9:33 - Seysyo No Tao

³³ Akman so ciring do Seysyo. Ta maniring am, “Citahen nyo, ta yako mapangay so yasa ka veysen do yasa ka ili a meyngaran so Sian. O veysen rana ori am cikadan da no tao. Am o meyhanhan nya tao am amyan so nakem na jira ni Ama ta do to.”

Loma 9:33 ပူးပေါင်းရင်းမြစ်များ

Matay 21:42

Maniring si Yeso jira am, “Ji nyo nivilangan pa o ciring do Seysyo? Maniring am, ‘O Vato a niwalit da no mapatnek so vahay am yarana nimeyvaliw a ney makdeng na aslet no ai no vahay. So ikanoyong no vazay ni Ama ta do to a mapeyzokab.’

Matay 21:44

O meyhabak rana do Vato ori am to rana zemek o tototowang na. O kakasan no Vato a tao am akman sang, ta to meyramis o kataotao na.”

Loma 10:1

Manga kakteh, ko tey kakza sira o Isedi a tao a kasina ko no inawan a ahapen na ni Ama ta do to. Am ori o ko jimtaji nira a ipeynozi ji Ama ta do to.

Loma 10:11

Maniring do Seysyo am, “Omanoyong jya tao am amyan so nakem na jira ni Ama ta do to.”

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

1 Yowani 2:28

Ji nyo ngawawan o kapacikaop nyo ji Kizisto, manga ovay an. Ta no si marateng o araraw no yai na am abo rana ikarahet nyo no onowned do tangain na.