Loma 9:32 - Seysyo No Tao

³² O da ikakman sang am yada ji meyhanhanan si Yeso Kizisto. Ta yada ipeyhanhan o da kapya no icicirawat. Am si Yeso Kizisto am akmey veysen a cikadan no tao, ta ji da meyhanhanan.

Loma 9:32 ပူးပေါင်းရင်းမြစ်များ

Matay 13:57

Makarahan am ikaoya da rana si Yeso. Maniring si Yeso jira am, “O panoyonoywan na so ciring ni Ama ta do to am ikanig da sira no tao do peycyeylilyan na. Am kolalahen da sira no macikeylyan jya kano pacivahayan da tao.”

Locya 2:34

So nitoyotoyonan na sira ni Simoyang a kapanci na nya ji Madiya so, “Manoyong o kanakan eya na nipamnekan ni Ama ta do to. Aro omanoyong jya tao. Aro ji nganoyong jya. So ikaro da no tao a maoya nya.

Locya 7:23

Omanoyong jyaken a ji meykarwa so nakem am tey yapya ori.”

Loma 10:3

Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na.

Loma 11:11

Am o yako ipacici jinyo am manngwa, to sira na nakeb o tao do Yotay a ji na ngapa rana ni Ama ta do to? Jyabo kakman na sang a. Ta sicyaikwaya am na avyain o beken a tao do Yotay. So kaoyyan da nira ikeynanahet no tao do Yotay a kablis da rana so onowned da a omanoyong rana ji Ama ta do to.

Loma 4:16

O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

1 Pite 2:6

Ta maniring do Seysyo am, “Ko nimangata so jya toda ka vato a lalitan a soil no vahay do Sian. Sira rana a meyhanhan nya am amyan so nakem na jira ni Ama ta do to.”

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.