Loma 9:31 - Seysyo No Tao

³¹ Am sira rana tao do Yotay a yamangozay do iwawalam na ni Moyse am jyabo da kapakahap so aryarilaw na sira ni Ama ta do to a.

Loma 9:31 ပူးပေါင်းရင်းမြစ်များ

Loma 10:20

Nipakoyokoy na pa ni Isayya a ciring am, “Makala da rana yaken no ji ngala jyaken a tao. Mapacita ko do yaji ngala jyaken a tao.”

Loma 11:7

Am ori o ji da makahapi sya no Isedi a tao so kakzeben da no nakem. Ta o nipamnekan na ni Ama ta do to am ori o nivonas na so raraten a kabnek na sira abo so raraten do tangain na, ta nipeyhanhan da si Yeso Kizisto. Am o karwan no tao am to da nazibwan o pangangasyan na ni Ama ta do to.

Loma 3:20

Abo asa ka tao a mangozay do iwawalam na ni Moyse a manoyong a manci no kabo no raraten na do tangain na ni Ama ta do to. Ta o iwawalam na ni Moyse am kapanidong na so tao a makateneng do raraten da.

Loma 3:27

Am ikongo ipakazwazway ta. Jyabo a. O ko pancyan no nang am beken a ta kahap so iwawalam na ni Moyse o yata ikapya do tangain na ni Ama ta do to. Ta yaomagaz do yata kapeyhanhan ni Yeso Kizisto.

Cyalatay 3:21

No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.

Veydipi 3:6

No hapen ta do kakdekdeng ta no onowned am nimacivosoy ko rana do niomanoyong ji Yeso a tao. Am no si pangozayan ta o iwawalam na ni Moyse a cittan ta so kapyapya ta am jyabo karatan ko a.