Loma 9:3 - Seysyo No Tao

³ Tana mazavat rana o karilawan na nyaken ni Kizisto do kahap na sira ni Ama ta do to so kasina ko no inawan am apyahen ko o akman sang.

Loma 9:3 ပူးပေါင်းရင်းမြစ်များ

Nimlivolivon 13:26

Maniring pa jira si Pawlo am, “Manga kakteh a sivosivovoong na ni Apolahan a ka ninyo a yamraralay ni Ama ta do to a beken a tao do Yotay, yaten o nipeylimwangan na no ciriciring a omagaz do kapatazadang na jyaten do teyngato ni Ama ta do to.

Nimlivolivon 22:5

To nyo mancyan do panirsirngen da no mapatanatanang so nakem da si Ama ta do to a kano kamanrarakehan, ta sira ang o nimakacita jyaken a nimanta nyaken so teygami a mangay do Tamaseke a omya jyaken a omrakep so amraralay ni Yeso a tao a yangay do Yelosaleng a bakbakan.

Nimlivolivon 28:21

Maniring sira ji Pawlo am, “O akman rana sang a vazay mo am yabo namen nimahap a teygami apo do ili nyo a omagaz jimo. Yabwata do keylyan nyo o asa ka tao a nimapo do dang a yamraherahet jimo.

Loma 11:1

To ko na macitangain jinyo am manngwa, nitaosya na sira ni Ama ta do to o nipamnekan na tao? Jyabo a. Ta yaken rana am Isedi a tao ko a sivovoong na ni Apolahan a macitetngehan ji Penyaming.

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

Loma 16:11

Ko ipeyminaminasi o kasina ko so inawan a kakteh ta si Helotyan a kano akma tey kakteh do cinai a si Naciso asa ka vahay a omanoyong ji Yeso.

Loma 16:21

Na ipeyminaminasi inyo no mina kararay ko a si Timotay a nimeylimwang no ciriciring na ni Ama ta do to. O kasina ko no inawan a meyngaran si Lociye a kani Yeson a kani Sosipate am sira mamimin a yameyminaminasi ninyo.

Loma 16:7

Ko ipeyminaminasi o kasina ko no inawan a si Antoniko a kani Yoniya. Sira ori am nimanmanma pa ka nyaken a niomanoyong ji Yeso Kizisto. No kapteng da jyamen am sira ori o mina kararay ko do pamemtengan. Katenngan da sira no nipamnekan na ni Yeso Kizisto a amlivolivon no ciriciring na.

Loma 9:2

Ko to naknakma sira o kasina no inawan ko a Isedi a tao a yapa ji nganoyong ji Yeso Kizisto. So yako ikarahet no aktokto a yameyngen so onowned.

1 Kedinto 12:3

Am nyo rana anoyngan si Yeso. Am ori o nyo na ipakateneng jya, ta o italamozong no Seyzi na ni Ama ta do to a tao am jyabo kapeyciring na so kalas na ni Yeso a. Akman sang an, ta o italamozong na no Seyzi na ni Ama ta do to o manci no kanoyong ni Yeso a Panirsirngen ta.

1 Kedinto 16:22

No myan so ji raralay ni Yeso Kizisto a tao am manoyong kapeygegcin na jya no oyaoya na ni Ama ta do to. Mo Yeso Kizisto, inaoy si mai ka na.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

Cyalatay 1:8

Am tana yamen a tana nimapo do teyngato a tinsi na ni Ama ta do to am no si macitarek a kano ninanao namen jinyo no kakwa o inanao da jinyo am manoyong akman sira ori a peydednan no peyoyaoyyan na ni Ama ta do to.

Cyalatay 1:9

Nipanci namen rana jinyo no kakwa pa am yako ipanci pa jinyo am no myan so meylimwang nya jinyo so macitarek a nanao a kaji na meyyangayan a kano nimamizing nyo na no kakwa am manoyong o kapeydedna na jira no peyoyaoyyan na ni Ama ta do to.

Cyalatay 3:10

O tao a meyhanhan no iwawalam na ni Moyse am meydedna jira o peyoyaoyyan na ni Ama ta do to, do kaji da makataptapan sya a peyvazain. Ta o ciring do Seysyo am, “O tao a ji makataptap sya peyvazain so yadomket a iwawalam ni Moyse am mangay jira o peyoyaoyyan na ni Ama ta do to.”

Cyalatay 3:13

Am si Kizisto o nimalit jyaten do oyaoyyan na nyaten ni Ama ta do to a ji makataptap so iwawalam na ni Moyse. Ta o ciring pa do Seysyo am, “O nipadket da do jyojika am iya o nyangayan no peyoyaoyyan na ni Ama ta do to.”

Ivoso 6:5

Inyo rana lamlamsoy da am onotan nyo sira o lawpan nyo. Ikanig nyo sira. To nyo peynara o nakenakem nyo si Kizisto a mahap so vazay da no lawpan nyo.