Loma 9:16 - Seysyo No Tao

¹⁶ O makahap so pangangasyan na ni Ama ta do to am ji monganai do nakenakem a kano vazay no tao, ta monganay do pangangarilawan na ni Ama ta do to.

Loma 9:16 ပူးပေါင်းရင်းမြစ်များ

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Matay 4:8

Am ori o nitanggahan na ni Yeso ni Satan do makarang a tokon a kapacita na no peykamahamahatawan na kano aro a masamasaod no karawan.

Locya 10:21

No kanang am nipasaray no Seyzi si Yeso. So nipancyan na no, “Mo Ama a Panirsirngen do teyngato a kado karawan, ko isaray jimo. Ta mo nibengbeng do mapakateneteneng a tao o aro a vazay mo, a mo kapatwaw sya do yamapehbo so nakem da tao, mo Ama do to. Ta o akman rana sang am monganay do nakenakem mo.”

Yowani 3:8

Na to ngonongonongi o na pabzotan sya no pagpag. No nyo mamizing o na pavyoten a pagpag am nyo jyatenngi o na kapwan. Nyo jyatenngi o na angayan. O nimapodpod do Seyzi am akman sang an.”

Loma 9:11

Am ikongo do nipamnekan na o asa ka anak na, am ori o nipacisirsiring na ni Ama ta do to ji Leypeycya. Maniring am, “Allamen na no rakrakeh o ananak.” Am no kapacisirsiring na jya am abo pa dang o marahet a kano apya a vazay. Ta ji sira pa nimalikey o meyketeh ang. Am ori o ikanoyong na ni Ama ta do to a mangozay do nakenakem na. So ji na monganai do kapyapya no icicirawat no tao o pamnekan na ni Ama ta do to.

Cyalatay 2:2

O yangay ko do Yelosaleng am onotan ko o ciring na ni Ama ta do to a manci nya do panipanirsirngen no kyokay so mina vazay ko no kapeylimwang ko no Mapasaray a Ciriciring na ni Ama ta do to do beken a tao do Yotay. Ta ji ko mamyapyan o kapanci da no vazay ko ji Ama ta do to no kakwa a kasicyakwaya abo so peypeypangayan.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Veydipi 2:13

Ta yameyvazay do onowned nyo si Ama ta do to. So ikasasaray nyo a mapeyvazay so kakdain na jinyo ni Ama ta do to.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.