Loma 9:1 - Seysyo No Tao

¹ Sicyaikwa rana ya am yamanoyong ko ipanci jinyo. Ji ko palasa o ciring ko, ta ko macikaop ji Kizisto. Yako katenngan o ko ipanci, ta o Seyzi am ori o tomalamozong no onowned ko.

Loma 9:1 ပူးပေါင်းရင်းမြစ်များ

Loma 1:9

Na katenngan ni Ama ta do to o ko kasangib a yameynozi ninyo, do yako ikowyat a yamahap so vazay na yameylimwang no Mapasaray a Ciriciring no Anak na.

Loma 2:15

O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

Loma 8:16

O Seyzi do onowned ta am ori o ipakateneng ta do mina kapeyvaliw na jyaten a akma ney anak ni Ama ta do to.

Loma 9:2

Ko to naknakma sira o kasina no inawan ko a Isedi a tao a yapa ji nganoyong ji Yeso Kizisto. So yako ikarahet no aktokto a yameyngen so onowned.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 1:23

Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

2 Kedinto 11:10

Abo malas a ciring ni Yeso. So icyakman ko sang a jyalas so ciring jinyo. Am ori o ko jyamoi a manci nya do pongso no Sila so kakman ko sang a ji ngakday so patodahen da jyaken.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

2 Kedinto 12:19

Ala nyo ipanci yamen a yamangamaog no kataotao namen so ciring. Am to ko na macitangayan jinyo am namen jyakman sang an. Ta o ciriciring ni Kizisto o namen ipanci jinyo do tangain ni Ama ta do to. Manga keypong, o vazay namen am namen kanakenakem so yakasidong jinyo a peypahagnaten so nakenakem ji Ama ta do to.

Cyalatay 1:20

Yabo o yamalas do teygami ko ya a ciring ko. Pacyanoyngan na yaken ni Ama ta do to.

Veydipi 1:8

Katenngan na ni Ama ta do to o karilaw ko ninyo no pangangarilawan na ni Yeso Kizisto do kapaw ko ninyo. So ikanoyong no nya ciring.

1 Tesalonicya 2:5

Nyo katenngan yamen a yaji manlita so tao no ciriciring namen. So na ikabo no yamarahet a aktokto namen. Ta si Ama ta do to am yongkad namen a manoyong so ipanci.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

1 Timotay 2:7

O nipamnekan na jyaken a omlivolivon no ciriciring na do beken a tao do Yotay am nanawen ko sira a kapakateneng da rana jya a meyhanhan no manoyong a nanao. So ko ji mangononongi so malas. Ta yamanoyong o ko ipanci.

1 Timotay 5:21

Yako myan do tangain na ni Ama ta do to a kani Yeso Kizisto a kano tinsi a yamanci nya jimo. So hapan mo so nanao eya an. No si myan so pacicin mo am amizngen mo o manoyong. Peyyangangain mo sira citahen so karatan.