Loma 8:9 - Seysyo No Tao

⁹ No si italamozong na inyo no Seyzi am manoyong o kaji nyo na mangozayan do adan a onowned nyo. Ta o vazay no Seyzi o pangozayan nyo. O kabwan no Seyzi na ni Yeso Kizisto am ji macikaop ji Kizisto.

Loma 8:9 ပူးပေါင်းရင်းမြစ်များ

Locya 11:13

Kakwakwan nyo a meyraraten a tao a yamakateneng do kapanta no anak nyo so ney pipya a kanekanen a imanngo rana si Ama ta do to. Ta jyabo kaji na mantan ninyo no amin nyo jya o Seyzi a.”

Yowani 14:17

Iya rana am yamapatwaw so manoyong a nanao ni Ama ta do to. Am da to nazibwan no yaji nganoyong jyaken a tao. Ta da jyacita. Am ori o da ji makatenngi jya. Am inyo am nyo katenngan o Seyzi a macikaop jinyo a Rarey nyo a yaji macisyay jinyo.

Yowani 14:23

Maniring si Yeso am, “O maglaw nyaken am pangononongan da o nanao ko. Ta ori o karilawan na nira ni Ama. So ipacikaop namen si Ama jira.

Yowani 3:34

O nitovoy ni Ama ta do to o mapatwaw so ciriciring na ni Ama ta do to. Ta oyatan no Seyzi.

Yowani 3:6

O nimapodpod do tao am tao saon am. Am no si mapodpod o tao do Seyzi na ni Ama ta do to am manoyong o akman sang a anak na ni Ama ta do to.

Nimlivolivon 16:7

Makaranes sira do Misiya am naknakmen da o kangay da do Potiniya a ili. Am ji na mya sira no Seyzi.

Loma 7:5

No kato ta pa mangozayan do adan a onowned ta a meyraraten am nipatwaw no iwawalam na ni Moyse o raraten ta do onowned ta. Am o kapalit no raraten am mangay do makotokotod a lila no apoy a mangay no makwa.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

1 Kedinto 15:23

Am matwatonton o tao a mirwa a mavyay. Ney manma am si Kizisto. O tomonton am amraralay nya tao, no si marateng o araraw no yai na ni Kizisto,

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

1 Kedinto 6:17

Am o macikaop ji Yeso am macilovot o nakenakem na ji Yeso an.

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

2 Kedinto 10:7

O vazay no tao o macita nyo. Am nyo jyacita o onowned no tao. No si amyan so tao a manci no katalamozong na ni Ama ta do to am manakenakem pa an. Ta beken a iyaha o yamonganay ji Kizisto. Ta namen akman sang a yamonganay ji Kizisto.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 1:13

Inyo rana beken a tao do Yotay am kamo akman sang, ta no kapakamizing nyo so manoyong a mapasaray a nanao am mina to nyo nganoyngi si Kizisto. Ori o na nitorwan rana no Seyzi jinyo ni Ama ta do to akma ney yongkad no kapacikownongan nyo rana jya.

Ivoso 2:22

Am ori o nyo ipeyyangangay rana kano tao do Yotay a na rana yanan no Seyzi na ni Ama ta do to.

Ivoso 3:17

Ori o ipakateneng nyo ji Kizisto a manoyong rana a yamacikaop jinyo a yatomalamozong ninyo. Ko ipeynozi inyo a mapayamot so pangangarilawan na do onowned nyo.

Veydipi 1:19

Ta katenngan ko o kapakowbot da jyaken, do peynozyan nyo nyaken a kano sidongan na jyaken no Seyzi a nitovoy na jinyo ni Yeso Kizisto.

2 Timotay 1:14

Am ori o peyhanhanan mo no isidong na jimo no Seyzi a yamyan jyaten a kapzat mo do manoyong a nanao na ni Ama ta do to a nitoro na jimo a ipeylimwang mo.

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

1 Yowani 3:24

O tao a omonot do ciring na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya. O ta ipakateneng ji Ama ta do to a yamacikaop jyaten am Seyzi a yamacitovong jyaten.

1 Yowani 4:13

Yamanoyong ta kapacikaop ji Ama ta do to. So na ikakman sang a yamacikaop jyaten. O ta ipakateneng do dang am na nitoro jyaten o Seyzi.

1 Yowani 4:4

Am inyo rana manga ovay am yakamo macikaop ji Ama ta do to. So nyo ikanoyong a yarana nimharag so malas so ipangnanao a tao. Ta yarakorako o oyowyat no Seyzi a yamyan jinyo a kani Satan a tomalamozong nira.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.