Loma 8:5 - Seysyo No Tao

⁵ Ta o to mangozay do malas a onowned a tao am italamozong no onowned na. Omonot do Seyzi a tao am italamozong na ni Ama ta do to.

Loma 8:5 ပူးပေါင်းရင်းမြစ်များ

Make 8:33

Meyvazingowngaw si Yeso a tomita so macinanao jya am maniring ji Pite am, “Kazey mo Satan. O nakenakem mo am beken a nakenakem ni Ama ta do to, ta monganay do tao.”

Yowani 3:6

O nimapodpod do tao am tao saon am. Am no si mapodpod o tao do Seyzi na ni Ama ta do to am manoyong o akman sang a anak na ni Ama ta do to.

Loma 8:9

No si italamozong na inyo no Seyzi am manoyong o kaji nyo na mangozayan do adan a onowned nyo. Ta o vazay no Seyzi o pangozayan nyo. O kabwan no Seyzi na ni Yeso Kizisto am ji macikaop ji Kizisto.

1 Kedinto 15:48

O tao do teyrahem am akman sira si Adam so kataotao a nimapo do tana. O tao do teyngato am akman sira si Yeso so kataotao.

1 Kedinto 2:14

O kabwan no Seyzi na ni Ama ta do to am ji na hap o itoro no Seyzi na ni Ama ta do to. Ta o akman rana sang a tao am ji da tenngi o akman sang a vazay. Ta ipanci da abo so angangayan. Ta o yanan no Seyzi na ni Ama ta do to o makateneng jya.

2 Kedinto 10:3

Tana namen macizavoz do tao do karawan am o namen ipacirawarawa am beken a yamonganay do karawan.

Cyalatay 5:17

Ta o marahet a ikeykakza no kataotao ta am macitarek a kano ikakza na jyaten no Seyzi. So icyakma dey meykavosoyan, do kazazat na jyaten no Seyzi a mangozay do marahet a ikeykakza no kataotao ta.

Ivoso 5:9

Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

2 Pite 2:10

Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.