Loma 8:4 - Seysyo No Tao

⁴ O nikakman na sang ni Ama ta do to am na ikarilaw yaten a ji makataptap so iwawalam ni Moyse. Am ori o na nitovoyan so Seyzi a omoyat jyaten a omonot do isaray na ni Ama ta do to a vazay, a ji rana meyraratenan.

Loma 8:4 ပူးပေါင်းရင်းမြစ်များ

Locya 1:6

Acyacilban na ni Ama ta do to am katenngan na sira meyyaven do vahay apiya so nakenakem a tao a omahap so inanao na sira ni Ama ta do to.

Loma 2:26

Tana ji da yongkaji no beken a tao do Yotay o kataotao da am no ahapen da o iwawalam na ni Ama ta do to am jyabo kaji na pazanodan sira do nimyongkad do kataotao da a tao ni Ama ta do to a avyain na.

Loma 3:31

No akman sang am manngwa, todabo rana o oyowyat na no iwawalam na ni Moyse? Jyabo kakman na sang a. Ta o manoyong a meyhanhan ni Yeso Kizisto a tao am ori o ipanci a manoyong a mangononong do iwawalam na ni Moyse.

2 Kedinto 10:2

Ji nyo ngakzeba o kanig ko ninyo no si mai ko an. Ta jyabo kanig ko no yatomamwad jyamen a, a yamanci no namen kapazway so aktokto namen.

2 Kedinto 10:3

Tana namen macizavoz do tao do karawan am o namen ipacirawarawa am beken a yamonganay do karawan.

Cyalatay 5:16

O yako ipanci am onotan nyo o peypalanginan na ninyo no Seyzi an. Ta ori o ipakazazat nyo do onowned nyo a to mangozangozay do apyahen nyo no nakem.

Kelosi 1:22

Am sicyaikwaya am nikawakwak na rana yaten ni Yeso Kizisto a Anak na ni Ama ta do to. Am ori o yanyo rana ipacikaop ji Ama ta do to. O icyakman na sang am kakzeben na inyo a ji meylimoteng so onowned a abo so karatan do tangain na.

Sipolay 12:23

Inyo rana am kamo na nimakaranes do da kalwalovotan no yamraralay ni Ama ta do to a tao a yadomket so ngaran do teyngato. Inyo rana am kamo nimakaranes do yanan ni Ama ta do to a mapeykapyapinpinan so aro a tao. So yanyo ikanoyong rana yarana nimakaranes do na kabwan no yameyraraten a tao.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.

Ipaziman 14:5

Ji pa nimangalalas sira. So ikanoyong da abo so kararatan.