Loma 8:34 - Seysyo No Tao

³⁴ Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

Loma 8:34 ပူးပေါင်းရင်းမြစ်များ

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Make 16:19

Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to,

Yowani 14:19

Alikey rana kaji da na makacittan jyaken no ji nganoyong jyaken a tao. Am inyo am macita nyo pa yaken no si mirwa ko pa a mavyay. So ikakman nyo sang a makahap so to meyyonong a ikavyay no pahad nyo.

Yowani 16:23

No si marateng o araraw ori am abo rana asa ka ciring a ipacici nyo jyaken. To ko na macitangayan jinyo am no mapasyasi kamo ji Ama kapeyhanhan nyo no ngaran ko am itoro na jinyo.

Nimlivolivon 2:24

Am mina kapirwa na sya avyain ni Ama ta do to. So ikabo rana no alalaw na ikawakwak na.

Loma 14:13

Am ori o ji ta macitamtamwaji an. Ta naknakmen ta kaji ta mapeyvazayan so pacikzan da meyraraten no akma tey kakteh do cinai.

Loma 14:9

Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

Loma 4:25

Nimawakwak si Yeso no raraten ta a kapirwa na rana mavyay. So ikanoyong ta na ipanci ni Ama ta do to abo so raraten do tangain na.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 8:27

Si Ama ta do to o yamakateneng do onowned ta. Katenngan na o nakenakem no Seyzi. Ta o Seyzi am na to mangozai o nakenakem na ni Ama ta do to a yameynozi nyaten a yamanoyong a italamozong na tao.

Kelosi 3:1

Inyo rana am kamo rana akmey nimacizanod ji Kizisto a nimirwa a mavyay. Am ori an, naknakman nyo kato nyo ngotokotan so onowned a omahap so apyahen na vazay ni Kizisto. Ta iya rana am yamyan do wanan na ni Ama ta do to.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Sipolay 9:24

Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.