Loma 8:33 - Seysyo No Tao

³³ Sino o amraherahet jyaten a nipamnekan na ni Ama ta do to. Ta yaten rana am na rana nibnek yaten a abo so raraten do tangain na.

Loma 8:33 ပူးပေါင်းရင်းမြစ်များ

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Locya 18:7

Manngwa, ji na amiznga ni Ama ta do to o meyhanhan nya mapasyasi jya do araraw a kado ahehep? Manngwa, peypananayan na sira sidongen?

Loma 3:26

Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Cyalatay 3:8

Nipaziman na rana ni Ama ta do to do Seysyo o kabnek na so beken a tao do Yotay a abo so raraten do tangain na, do kapeyhanhan da ni Ama ta do to. So nipazimanan na rana sya ji Apolahan so akman sang a Mapasaray a Ciriciring no kakwa pa. Maniring am, “Mamimin o tao do karawan a ipanta ko so aryarilaw ko, do mo kapeyhanhan nyaken.”

1 Tesalonicya 1:4

Inyo rana manga kakteh a na ikarilaw ni Ama ta do to am namen katenngan o mina kapamnek na jinyo a omraralay nya.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.