Loma 8:32 - Seysyo No Tao

³² Kakwakwan no Anak na yana ji ingbeywani a yana nitoro a mawakwak nyaten. Ney manngo rana o yamakakaday a kakzeben ta no nakem. Ta jyabo o na ingbeywan jyaten a.

Loma 8:32 ပူးပေါင်းရင်းမြစ်များ

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Matay 7:11

Kakwakwan nyo a meyraraten a tao a yamakateneng do kapanta no anak nyo so pipya kanekanen a imanngo rana si Ama ta do to. Ta jyabo kaji na norwan nya jinyo no amin nyo o ikeykakza nyo a.

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Loma 11:21

Kakwakwan no tao do Yotay a meyngongyod akmey yangaw no kayo a na ji ingbeywani am ney manngo kamo, ta jyabo kabeywan na jinyo a, do nyo kaji manganoyngan.

Loma 4:25

Nimawakwak si Yeso no raraten ta a kapirwa na rana mavyay. So ikanoyong ta na ipanci ni Ama ta do to abo so raraten do tangain na.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

Loma 8:28

Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.

1 Kedinto 2:12

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

2 Kedinto 4:15

Monganay jinyo o alalaw namen a ipakasidong namen jinyo a peypahagnaten so nakenakem ji Ama ta do to. So na ikanoyong no pangangarilawan na ni Ama ta do to a itoro na do aro a tao. Am ori o ikarwaro rana no tao a zomwazway si Ama ta do to a isaray da.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

1 Yowani 4:10

O pangangarilawan rana am beken a yaten marilaw ni Ama ta do to, ta si Ama ta do to am ori o marilaw nyaten. Ta iya o yapwan no meyngongyod a pangangarilawan. Am ori o nitovoyan na so Anak na mangay mawakwak no raraten ta.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.