Loma 8:26 - Seysyo No Tao

²⁶ Akman sang, ta no myan so alalaw ta am na sidongen yaten no Seyzi. No ji ta teneng a mapasyasi ji Ama ta do to am na rana to mapasyasyan nyaten no Seyzi no ji ta tenngi a patwawen a ciring.

Loma 8:26 ပူးပေါင်းရင်းမြစ်များ

Matay 10:20

Ta o ciring nyo am beken a monganay jinyo, ta itoro na no Seyzi ni Ama ta do to o ciring na jinyo.

Matay 20:22

Maniring si Yeso am, “Nyo jyatenngi o yanyo kakzeben. Manngwa, mahap nyo o rako a alalaw ko an?” Maniring sira am, “Noon, mahap namen.”

Locya 22:44

Ta no kapeynozi na am tey meyngen o onowned na. So icyakman na so rala no anngennget na amiteng. Am arakorako pa o pasyasyan na ni Yeso ji Ama ta do to.

Yowani 14:16

Ipanci ko ji Ama a kapanta na ninyo so somidong jinyo a Seyzi, kato na rana meyyonongan a macikaop jinyo.

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

Loma 7:24

Yako tey mazikna so onowned. Sino makasidong jyaken a komaro do raraten kaji ko angayan do kararatan.

Loma 8:15

Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

2 Kedinto 5:2

Tana tamo macizizikna sicyaikwaya yatoda ji nalap a yamangay a meyvahay do teyngato am

2 Kedinto 5:4

O kataotao ta ya akma tey vahay do karawan eya am yamakahap so alalaw ta do karawan. So to ta ji ngamogi so kangay ta do teyngato, do na katey yaro no alalaw ta do teyrahem. So ikanoyong na rana no maliman a kataotao ta ya alitan na rana no vayo a itoro na ni Ama ta do to a to meyyonong a kataotao ta.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Ivoso 2:18

Na peyyanowanopen yaten ni Kizisto a tao do Yotay a kano beken a tao do Yotay, akmey asa so onowned do tangain na ni Ama ta do to a yana sidongen no Seyzi.

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.

Sipolay 5:2

Amyan so karatan na no mapatanatanang so nakem da tao, ta meyyangay sira tao. Am ori o kanigan na no amyan so kalasan a tao a mapasyasi nira ji Ama ta do to.

Yake 4:3

No nyo amin ji Ama ta do to am nyo jyahap. Ta yamalas o aktokto nyo. Ta o kataotao nyo o nyo naknakmen.