Loma 8:23 - Seysyo No Tao

²³ Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

Loma 8:23 ပူးပေါင်းရင်းမြစ်များ

Locya 20:36

Ta akman sira so tinsi do yanan ni Ama ta do to a jyawakwak rana. Anak na sira ni Ama ta do to, ta nipeyvangon na sira.

Locya 21:28

No makaranes rana o alalaw am makowyowyat kamo pa so onowned a meyhanhan ni Ama ta do to, ta masngen rana omahap jinyo.”

Loma 5:11

Tamo isaray ji Ama ta do to o na kanimapanop jyaten ni Yeso Kizisto ji Ama ta do to. Am ori o yata ipacikaop ji Ama ta do to. So ta na ikasaray do yana kanimahap ni Kizisto so vazay na ni Ama ta do to a yasomidong jyaten.

Loma 5:3

Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Loma 7:24

Yako tey mazikna so onowned. Sino makasidong jyaken a komaro do raraten kaji ko angayan do kararatan.

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

1 Kedinto 1:7

So yana ikabo no yana jya nitoro jinyo no Seyzi a oyowyat a kano teneteneng nyo, do nyo kapanala si Yeso Kizisto a Panirsirngen ta a mai.

2 Kedinto 1:22

So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

2 Kedinto 7:5

Ta makaranes namen do Maciton am ji namen nimeywalam. Ta ji namen angned so ninyakan, do katey yaro no alalaw namen do peycyeylilyan na do kazyakan da nyamen a kapaciyoman na pa no kasinalaw namen ninyo a mablis so nakenakem ji Ama ta do to.

Cyalatay 5:5

Am yaten rana am na oyatan yaten no Seyzi a meyhanhan ni Yeso Kizisto. Am ori o na abnekan rana jyaten ni Ama ta do to a abo rana so raraten do tangain na.

Ivoso 1:14

O Seyzi na ni Ama ta do to am ori o akma tey yongkad a somidong jyaten a omamoon so nipanci na itoro ni Ama ta do to do monganay jya tao. So ikanoyong na ni Ama ta do to a mapatazadang jyaten do teyngato a yaomanoyong jya tao. So sarayan ta ni Ama ta do to a tey mazway a Tao do to!

Ivoso 4:30

Ji nyo alavat o ikeyngen na no onowned no Seyzi na ni Ama ta do to a vazay. Ta o Seyzi am yongkad na jinyo ni Ama ta do to, do kavyay na jinyo no makwa.

Ivoso 5:9

Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.