Loma 8:19 - Seysyo No Tao

¹⁹ O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

Loma 8:19 ပူးပေါင်းရင်းမြစ်များ

Matay 5:9

“O mapeyyalalap so nakem no meykaoya tao am tey yapya sira. Ta abneken na sira ni Ama ta do to a akma ney anak.

Yowani 1:12

Sira rana ji nazibo nya tao a kano omanoyong jya tao am abneken na sira akma ney anak ni Ama ta do to.

Nimlivolivon 3:21

Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na.

Loma 8:14

O ipeypalanginan na no Seyzi a tao am mamimin sira akma ney anak ni Ama ta do to.

Loma 8:16

O Seyzi do onowned ta am ori o ipakateneng ta do mina kapeyvaliw na jyaten a akma ney anak ni Ama ta do to.

Loma 8:18

Ko naknakmen o alalaw ta sicyaikwaya am jyabo kapakataha na so yaomanam a azwazway ta no makwa.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

Loma 9:26

“Nipanci ko na jira no kakwa pa o kaji ko mapeyyanakan sira. Am ko na abneken sira sicyaikwaya anak ko, ta yaken rana am to ko meyyonong a mavyay a Tao do to.”

1 Kedinto 1:7

So yana ikabo no yana jya nitoro jinyo no Seyzi a oyowyat a kano teneteneng nyo, do nyo kapanala si Yeso Kizisto a Panirsirngen ta a mai.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

2 Kedinto 6:18

“Ama nyo yaken. Inyo rana am anak ko inyo. O ciring rana ya am si Ama ta do to a Panirsirngen ta o mapeyciring sya.”

Cyalatay 3:26

Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

Kelosi 3:4

Si Yeso Kizisto rana am yapwan no to meyyonong a ikavyay no pahad nyo. Si mirwa mai si Yeso am ipanta na inyo so vayo a kataotao nyo a pazanoden do azwazway na.

Sipolay 12:27

O ciring na, “Ipisa ori,” am mamimin o nyamaog na magnoz a mabalinas. O teyngato rana jyabalinas.

1 Pite 1:13

Am ori o ipeytataziman nyo a mahap so vazay na ni Ama ta do to a meyhanhan nya a manta ninyo so aryarilaw na no mai rana si Yeso Kizisto.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.