Loma 8:14 - Seysyo No Tao

¹⁴ O ipeypalanginan na no Seyzi a tao am mamimin sira akma ney anak ni Ama ta do to.

Loma 8:14 ပူးပေါင်းရင်းမြစ်များ

Matay 5:9

“O mapeyyalalap so nakem no meykaoya tao am tey yapya sira. Ta abneken na sira ni Ama ta do to a akma ney anak.

Yowani 1:12

Sira rana ji nazibo nya tao a kano omanoyong jya tao am abneken na sira akma ney anak ni Ama ta do to.

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

Loma 8:5

Ta o to mangozay do malas a onowned a tao am italamozong no onowned na. Omonot do Seyzi a tao am italamozong na ni Ama ta do to.

Loma 8:9

No si italamozong na inyo no Seyzi am manoyong o kaji nyo na mangozayan do adan a onowned nyo. Ta o vazay no Seyzi o pangozayan nyo. O kabwan no Seyzi na ni Yeso Kizisto am ji macikaop ji Kizisto.

Loma 9:26

“Nipanci ko na jira no kakwa pa o kaji ko mapeyyanakan sira. Am ko na abneken sira sicyaikwaya anak ko, ta yaken rana am to ko meyyonong a mavyay a Tao do to.”

Loma 9:8

O peypeypangayan no ciring na am beken a mamimin o nimapodpod ji Apolahan a abneken na anak ni Ama ta do to. Ta o meyhanhan nya a mangononong do ciring na am ori o meyngongyod a abneken na anak.

2 Kedinto 6:18

“Ama nyo yaken. Inyo rana am anak ko inyo. O ciring rana ya am si Ama ta do to a Panirsirngen ta o mapeyciring sya.”

Cyalatay 3:26

Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

Cyalatay 4:5

O ikakman na sang am ovayan na sira o mavaod no iwawalam na ni Moyse a tao. So ikanoyong ta rana meyngongyod a akma ney anak ni Ama ta do to.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Cyalatay 5:16

O yako ipanci am onotan nyo o peypalanginan na ninyo no Seyzi an. Ta ori o ipakazazat nyo do onowned nyo a to mangozangozay do apyahen nyo no nakem.

Cyalatay 5:18

No si peypalanginan na inyo no Seyzi am ji na rana vaoda inyo no iwawalam na ni Moyse.

Ivoso 1:5

Am ori o na sarayan nyaten ni Ama ta do to a na panopen a akma ney anak, ta yata na macikaop ji Yeso Kizisto.

Ivoso 5:9

Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.

1 Yowani 3:24

O tao a omonot do ciring na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya. O ta ipakateneng ji Ama ta do to a yamacikaop jyaten am Seyzi a yamacitovong jyaten.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.