Loma 7:6 - Seysyo No Tao

⁶ Am sicyaikwa rana ya am na rana jyagogadan yaten no nivatvatkan a iwawalam na ni Moyse. Ta ori rana am adan rana ori. So ta na pangozayan do na ipananao jyaten no Seyzi a vayo a nakenakem ta ji Ama ta do to.

Loma 7:6 ပူးပေါင်းရင်းမြစ်များ

Loma 1:9

Na katenngan ni Ama ta do to o ko kasangib a yameynozi ninyo, do yako ikowyat a yamahap so vazay na yameylimwang no Mapasaray a Ciriciring no Anak na.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Loma 6:11

Akman sang, ta naknakmen nyo o kapacizanod no adan a onowned nyo ji Kizisto a nimawakwak no raraten nyo. So ikanoyong nyo na a meypahagnat so onowned ji Ama ta do to, ta kamo rana macikaop ji Yeso Kizisto.

Loma 6:19

Abo o makdeng a ciring ko jinyo, ta ko ihawa inyo a ji makateneng jya. No kakwa pa am ji nyo amzaci o onowned nyo. Am ori o ikarahet no vazay nyo. So ikanoyong nyo akma ney lamlamsoy no raraten. Am sicyaikwa rana ya am itoro nyo o kataotao nyo ji Ama ta do to a mahap so vazay na. Ta ori o ji nyo rana meylimotengi so onowned a lamlamsoy na ni Ama ta do to.

Loma 6:2

Jyabo kakman ta sang a. Ta yatamo rana nikarwan o peyraratenan ta. Am manngwa, olin ta pa o peyraratenan taha?

Loma 6:22

Am inyo rana sicyaikwaya am ji na rana peylamlamsoya inyo no raraten. Ta yanyo rana kakzeben si Ama ta do to a mapeylamlamsoy jinyo. So yanyo rana ipeyngongyod a yaomonot rana ji Ama ta do to. So ikanoyong nyo a makahap so to meyyonong a ikavyay no pahad nyo.

Loma 7:1

Nyo jyatenngi, manga kakteh, o yokoyokod rana no tao do karawan eya am o mavyay a tao o kapyan na. Am no mawakwak rana tao am abo rana peypeypangayan na no yokoyokod do karawan.

Loma 7:2

Akman so nimacivahavahay rana a mavakes. Ta no mavyay pa o kahanghangan na am ji na to ngaroi. Ta ori o adan a iwawalam no tao do karawan. No si mawakwak saon o kahanghangan na o ji na rana mangozai do iwawalam ori am.

Loma 7:4

Manga kakteh, yakamo akman sang a na rana ji nalamozongan no iwawalam na ni Moyse. Ta kanyo na macikaop ji Yeso Kizisto a nimawakwak no raraten nyo. Inyo rana sicyaikwaya am na rana ipeymatmatngeh inyo ni Yeso a yanimirwa a mavyay a Panirsirngen ta. Ta iya o manoyong a ahapen ta so vazay.

2 Kedinto 3:6

Iya o yanamen ipakahap so vayo a pangozayan a ciring na ni Ama ta do to a yanamen ipeylimwang. Oya rana am beken a nivatvatkan. Ta pangozayan a ciring no Seyzi. O nivatvatkan a iwawalam am ikawakwak no tao. Am o Seyzi am itoro na jyaten o to meyyonong a ikavyay no pahad ta.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

Cyalatay 3:13

Am si Kizisto o nimalit jyaten do oyaoyyan na nyaten ni Ama ta do to a ji makataptap so iwawalam na ni Moyse. Ta o ciring pa do Seysyo am, “O nipadket da do jyojika am iya o nyangayan no peyoyaoyyan na ni Ama ta do to.”

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

Ivoso 4:24

Pangozayan nyo o avayo a onowned nyo a kano icicirawat nyo a mapatwaw so apiya nakenakem na ni Ama ta do to.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.