Loma 7:24 - Seysyo No Tao

²⁴ Yako tey mazikna so onowned. Sino makasidong jyaken a komaro do raraten kaji ko angayan do kararatan.

Loma 7:24 ပူးပေါင်းရင်းမြစ်များ

Matay 5:4

“O amlavi so onowned a tao am mangay o kasaray da, ta mangay na panadnaden o nakem da ni Ama ta do to.

Matay 5:6

“O manoyong a komakzeb so kahap da so vazay na ni Ama ta do to am tey yapya sira. Ta mahap da o amin da ji Ama ta do to.

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

Loma 8:26

Akman sang, ta no myan so alalaw ta am na sidongen yaten no Seyzi. No ji ta teneng a mapasyasi ji Ama ta do to am na rana to mapasyasyan nyaten no Seyzi no ji ta tenngi a patwawen a ciring.

Kelosi 2:11

So na rana iyan no yongkad nyo a yamonganay ji Ama ta do to a tao, do nyo kapacikaop ji Kizisto. Am o yongkad rana am beken a monganay do kataotao. Ta yamonganay ori ji Kizisto, do na kaniomyavayo so onowned nyo.

2 Timotay 4:18

So ikanoyong na ni Ama ta do to a mahap jyaken a komaro do kanginanawan ko do maciocioya jyaken a tao, mangay no si ahapen na rana yaken do teyngato. Inaoy no to meyyonong o kazwazway ta si Ama ta do to. Amin.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 2:15

O jyojika na ni Yeso Kizisto am isidong na so manyahey no kawakwak da do karawan a tao a kabo na rana no ikanyahey da do ikamavyay da pa.

Ipaziman 21:4

Linasan na ni Ama ta do to o kaoo da. Abo rana o mawakwak. Abo rana mazabab so onowned a kano amlavi so onowned a kano meyngen. So ikanoyong na rana komavos no mina vazay no kakwa.”