Loma 7:18 - Seysyo No Tao

¹⁸ Ko katenngan o na kabo no apya do onowned ko. Tana ko tey kakza ahapen o apya vazay am ko jyapakongo a yapeyvazain.

Loma 7:18 ပူးပေါင်းရင်းမြစ်များ

Matay 15:19

O mapo do onowned am amyan dang so makakaday a nakenakem no tao a ipeyraraten a mangap so tao, mangzakza, manakaw, mangalalas, manamwad.

Locya 11:13

Kakwakwan nyo a meyraraten a tao a yamakateneng do kapanta no anak nyo so ney pipya a kanekanen a imanngo rana si Ama ta do to. Ta jyabo kaji na mantan ninyo no amin nyo jya o Seyzi a.”

Yowani 3:6

O nimapodpod do tao am tao saon am. Am no si mapodpod o tao do Seyzi na ni Ama ta do to am manoyong o akman sang a anak na ni Ama ta do to.

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

Loma 7:15

Ko jyatenngi o ko vazay. Ta o ko ikakza a vazay am ko ji peyvazaya. O ko pacioyyan a vazay am ko mangay peyvazain.

Loma 7:19

O ko ikakza apya vazay am ko ji ngapa. O ko jyakzan a marahet a vazay am ko ahapen.

Loma 7:25

Ko isaray ji Ama ta do to. Ta yana sidongen yaken ni Yeso Kizisto a Panirsirngen ta. Yako ikakza o yako kownot ji Ama ta do to am o raraten do onowned ko am ori o yasomengseng jyaken.

Loma 7:5

No kato ta pa mangozayan do adan a onowned ta a meyraraten am nipatwaw no iwawalam na ni Moyse o raraten ta do onowned ta. Am o kapalit no raraten am mangay do makotokotod a lila no apoy a mangay no makwa.

Cyalatay 5:17

Ta o marahet a ikeykakza no kataotao ta am macitarek a kano ikakza na jyaten no Seyzi. So icyakma dey meykavosoyan, do kazazat na jyaten no Seyzi a mangozay do marahet a ikeykakza no kataotao ta.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Veydipi 2:13

Ta yameyvazay do onowned nyo si Ama ta do to. So ikasasaray nyo a mapeyvazay so kakdain na jinyo ni Ama ta do to.

Veydipi 3:12

O ko peycirngan sang am beken a ko rana nimimin a yamahap o yamakakaday a yamyan ji Ama ta do to. So ko ikakdekdeng pa yaominara si Yeso Kizisto do na katalamozong nyaken.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.