Loma 7:13 - Seysyo No Tao

¹³ Manngwa, iwawalam na ni Moyse o yangay ko do kararatan? Jyabo kakman na sang a. O yangay ko do kararatan am raraten ko. Abo o karatan no iwawalam na ni Moyse. Ta ipakateneng no tao do raraten na. So na ikanoyong no raraten a mapeyparai jyaten ji Ama ta do to.

Loma 7:13 ပူးပေါင်းရင်းမြစ်များ

Matay 28:8

Karahan am meybebezbezan sira komaro rana do heseb na ang. No mangay kasaray da am mangay kanyahey da a malalayo a mangay do macinanao jya.

Locya 20:16

Jyabo kaji na balinasan sira a kapapalit na so tao a amvood so nihakawan na.” Mamizing da no aro a tao o ciriciring na am ipanci da o, “Jyabo kato na akmanan sang no vazay a.”

Loma 5:20

O nitoro ni Ama ta do to a iwawalam na ni Moyse am ipakateneng no tao do raraten da. Am tana akman sang am arakorako pa o aryarilaw na jyaten ni Ama ta do to.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

Cyalatay 3:21

No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.