Loma 6:19 - Seysyo No Tao

¹⁹ Abo o makdeng a ciring ko jinyo, ta ko ihawa inyo a ji makateneng jya. No kakwa pa am ji nyo amzaci o onowned nyo. Am ori o ikarahet no vazay nyo. So ikanoyong nyo akma ney lamlamsoy no raraten. Am sicyaikwa rana ya am itoro nyo o kataotao nyo ji Ama ta do to a mahap so vazay na. Ta ori o ji nyo rana meylimotengi so onowned a lamlamsoy na ni Ama ta do to.

Loma 6:19 ပူးပေါင်းရင်းမြစ်များ

Matay 4:23

Nilivolivon ni Yeso o peycyeylilyan na do Cyadidi a kapangnanao na so tao do peyneynozyan da do dang a meylimwang no italamozong na ni Ama ta do to a kapangiwakwak na so meykeyngeyngen a tao do dang.

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

Loma 3:5

Ala yamyan so tao a manci no, “Apya o keyyan no raraten ta. Ta o raraten ta am ipakateneng da no tao ji Ama ta do to a ji meyraraten a kazwazway da sya. So ikalas na ni Ama ta do to a mapasingsingkad jyaten.”

Loma 6:13

Ji nyo mamyapyan o peyvongvongwan nyo a peylamlamsoin no raraten. Ta itoro nyo o kataotao nyo ji Ama ta do to a mahap so vazay na. O torwan nyo no kataotao nyo ji Ama ta do to am ahapen nyo o apya vazay na. Ta iya o na yapwan no vayo a inawan ta.

Loma 7:23

Am kapeylamlamsoy na so kataotao ko no raraten. Ori o yamaciliman do ikakza no onowned ko. Am ori o yako icyakmey mavaod no raraten.

Loma 8:26

Akman sang, ta no myan so alalaw ta am na sidongen yaten no Seyzi. No ji ta teneng a mapasyasi ji Ama ta do to am na rana to mapasyasyan nyaten no Seyzi no ji ta tenngi a patwawen a ciring.

1 Kedinto 5:6

Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

1 Kedinto 9:8

Beken a ko to mancyan o akman sang a ciring. Ta yakman sang o ciring do iwawalam na ni Moyse.

Cyalatay 3:15

Manga kakteh, o ahahapan sya no tao am no meysirisiring o rarwa ka tao do vazay da am to da na mamneki o apyahen da. So ikabo rana no mapasobna do nipamnekan da vazay, do kabo rana no nipeyras da vazay.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.