Loma 6:14 - Seysyo No Tao

¹⁴ So ji na rana nalamozongi ninyo no raraten. Ta nyo na ipeyhanhan o pangangarilawan na ni Ama ta do to a makavonas so raraten nyo. So ji na monganai do apya icicirawat nyo.

Loma 6:14 ပူးပေါင်းရင်းမြစ်များ

Matay 1:21

Si Madiya am mangahanas so mahakay. No si malikey am ingaran mo jya si Yeso, ta iya o mapatastas so omraralay nya tao do peyraratenan da.”

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Yowani 8:36

O Anak ni Ama ta do to o amvonas so raraten nyo. So ikanoyong nyo na somaliway a abo rana so raraten.

Loma 4:16

O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

Loma 5:17

So ikanoyong na no raraten na ni Adam a yapwan no ikawakwak rana no tao. Am arakorako pa o pangangarilawan na ni Ama ta do to a kani Yeso Kizisto a yamapeyvaliw jyaten a abo so raraten do tangain na ni Ama ta do to a manta nyaten so to meyyonong a ikavyay no pahad ta.

Loma 5:18

So ikanoyong na no raraten na ni Adam a yapwan no kapeydedna no oyaoyyan na ni Ama ta do to do tao do karawan. Akman sang, ta o kapyapya na ni Kizisto am ikamimin no meyhanhan nya tao a mavonas rana so raraten a ipakahap da rana so to meyyonong a ikavyay no pahad da.

Loma 6:12

Am ori o ji nyo to amyapyai so kataotao nyo a italamozong no raraten. Ji nyo to ngonongonoci o marahet a onowned nyo.

Loma 6:15

No akman sang am manngwa, apya saon o kato ta na meyraratenan a meyhanhan no pangangarilawan na ni Ama ta do to a makavonas so raraten ta? Jyabo kakman ta sang a.

Loma 8:12

Am ori an, manga kakteh o ji ta to mangozai do adan ta onowned an.

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

Cyalatay 3:23

Am no kabo pa ni Yeso a ipeyhanhan ta am apya, ta amyan so iwawalam ni Moyse a omzat do onowned ta.

Cyalatay 4:21

Inyo rana yamangozay do iwawalam ni Moyse sicyaikwaya am manngwa, nyo katenngan o ciriciring a yadomket do iwawalam na ni Moyse an?

Cyalatay 5:18

No si peypalanginan na inyo no Seyzi am ji na rana vaoda inyo no iwawalam na ni Moyse.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 8:10

Maniring pa jira si Ama ta do to am, ‘Ipatnek ko sira o Isedi a tao so pangozayan da a ciring no makwa. Peydednahen ko o iwawalam ko do oo da kapangay ko sya do onowned da. Abneken da yaken a Tao do to da. Abneken ko sira akma koy anak.