Loma 6:12 - Seysyo No Tao

¹² Am ori o ji nyo to amyapyai so kataotao nyo a italamozong no raraten. Ji nyo to ngonongonoci o marahet a onowned nyo.

Loma 6:12 ပူးပေါင်းရင်းမြစ်များ

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

Loma 2:8

Am o yatomaosya so manoyong a nanao na ni Ama ta do to a yaomonot do malas a vazay da am meydedna jira o peyoyaoyyan na ni Ama ta do to.

Loma 5:21

No kakwa pa am niharag no raraten o tao do karawan. Am ori o ikamimin da mawakwak no tao. Am o pangangarilawan na ni Ama ta do to am na nitoro do meyhanhan nya tao. So ikamimin da rana vonasen na so raraten. So ipakahap da rana so to meyyonong a ikavyay no pahad da, do da kanoyong ji Yeso Kizisto a Panirsirngen ta.

Loma 6:14

So ji na rana nalamozongi ninyo no raraten. Ta nyo na ipeyhanhan o pangangarilawan na ni Ama ta do to a makavonas so raraten nyo. So ji na monganai do apya icicirawat nyo.

Loma 6:16

No onotan nyo o ciring no tao am manoyong kamo a lamlamsoy da. Akman sang, ta no si onotan nyo o raraten am manoyong kamo a lamlamsoy no raraten a mangay do kararatan. Am no si onotan nyo si Ama ta do to am abneken na inyo a abo so raraten do tangain na.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

2 Kedinto 4:11

O ikakman na sang am yamonganay ji Yeso Kizisto o yapwan no inawan namen.

2 Kedinto 5:4

O kataotao ta ya akma tey vahay do karawan eya am yamakahap so alalaw ta do karawan. So to ta ji ngamogi so kangay ta do teyngato, do na katey yaro no alalaw ta do teyrahem. So ikanoyong na rana no maliman a kataotao ta ya alitan na rana no vayo a itoro na ni Ama ta do to a to meyyonong a kataotao ta.

Cyalatay 5:16

O yako ipanci am onotan nyo o peypalanginan na ninyo no Seyzi an. Ta ori o ipakazazat nyo do onowned nyo a to mangozangozay do apyahen nyo no nakem.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

Ivoso 4:22

karwan nyo na o adan a nakenakem nyo a yamngingit jinyo do peyraratenan nyo.

1 Tesalonicya 4:5

So ji nyo mapasagpyani so kataotao nyo an. Ji kamo macyangangay do yato nazibo ni Ama ta do to.

2 Timotay 2:22

Ji mo nginara sira o malavayo a tao a to mangozay do nakenakem da, ta o ahapen mo am ji meyrahet a nakenakem, kakdeng no onowned mo ji Ama ta do to, kapeypakatkat no pangangarilawan mo a kano kapya no onowned mo do icyatatao mo, do yamo ipacizanod do tao a mahap so vazay na ni Ama ta do to a mazngang so onowned.

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”