Loma 6:10 - Seysyo No Tao

¹⁰ Ipisa si Yeso a mawakwak no raraten ta tao. So na rana ipacikaop ji Ama ta do to a mavyay sicyaikwaya.

Loma 6:10 ပူးပေါင်းရင်းမြစ်များ

Locya 20:38

O peypeypangayan no ciriciring eya am si Ama ta do to rana am Tao do to da no mavyay a omanoyong jya tao. Tana nimawakwak rana, avyain na sira. Ta o tao rana do tangain ni Ama ta do to am mamimin a mavyay sira.”

Loma 6:11

Akman sang, ta naknakmen nyo o kapacizanod no adan a onowned nyo ji Kizisto a nimawakwak no raraten nyo. So ikanoyong nyo na a meypahagnat so onowned ji Ama ta do to, ta kamo rana macikaop ji Yeso Kizisto.

Loma 6:9

Ta tanyo na katenngan si Kizisto a nimirwa a mavyay. So ji na rana wakwaki. Ta abo o oyowyat a makawakwak sya.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

2 Kedinto 5:15

Na nikawakwak ni Yeso o tao do karawan. Ori o ji ta to mangozai do aktokto ta. Ta pangozayan ta si Yeso Kizisto a nimawakwak no raraten ta a kapirwa na rana mavyay.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Pite 4:6

Ori o yarana nipamizngan no Mapasaray a Ciriciring na ni Ama ta do to so yarana nimawakwak a tao. Ta tana meyyangangay o tao a tana mawakwak a komaro do karawan am o pahad da no nimraralay ni Ama ta do to am macitovong ji Ama ta do to do teyngato.