Loma 5:6 - Seysyo No Tao

⁶ No kakwa pa am abo oyowyat ta a komaro do peyraratenan ta. Am kanimangozay na jya ni Kizisto do nipamnekan ni Ama ta do to a araraw a mangay mawakwak nyaten.

Loma 5:6 ပူးပေါင်းရင်းမြစ်များ

Loma 11:26

So ikamimin da no Isedi a tao ahapen na ni Ama ta do to. Ta maniring do Seysyo am, “Amyan so mai apo do Sian a mapatazadang jinyo do teyngato. Iya rana am vonasen na o raraten da no tao do Yotay a sivosivovoong na ni Yakebo.

Loma 4:25

Nimawakwak si Yeso no raraten ta a kapirwa na rana mavyay. So ikanoyong ta na ipanci ni Ama ta do to abo so raraten do tangain na.

Loma 4:5

Am o nakenakem na jyaten ni Ama ta do to am beken a akman sang. Ta o meyhanhan nya tao am beken a monganay do kapya no icicirawat na. Ta o abnekan na sya abo so raraten ni Ama ta do to am monganay do kapeyhanhan na nya.

Loma 5:10

No kakwa am abo o kasngesngenan ta ji Ama ta do to. Am mina kawakwak na nyaten no Anak na. Am ori o ta na ipacikaop ji Ama ta do to. No manoyong o akman sang am jyabo kaji na ngahapan jyaten a. Ta si Yeso Kizisto rana am yamyan do teyngato a yasomidong jyaten.

Loma 5:7

Yabo o tao a mawakwak no icyatatao na. Am ala yamyan so mawakwak no apiya so ahahapan sya tao.

Loma 5:8

Am no kapeyraraten ta pa am nikawakwak na yaten ni Kizisto. Ori rana am yongkad na ori ni Ama ta do to, do na karilaw nyaten.

Loma 8:32

Kakwakwan no Anak na yana ji ingbeywani a yana nitoro a mawakwak nyaten. Ney manngo rana o yamakakaday a kakzeben ta no nakem. Ta jyabo o na ingbeywan jyaten a.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Kelosi 2:13

No kakwa pa am abo pa jinyo o to meyyonong a ikavyay no pahad nyo, do keyyan no raraten nyo a nimacisyay ji Ama ta do to. Am kanimapazanod na jinyo ji Kizisto a avyain ni Ama ta do to, do kanimvonas na rana so raraten ta ni Ama ta do to.

1 Tesalonicya 5:9

Ta o na nipamnekan jyaten ni Ama ta do to am beken a mangay na ioya nyaten. Ta ahapen na yaten do kapyapyan. Ori o mina vazay na no Anak na si Yeso Kizisto a Panirsirngen ta.

1 Timotay 1:9

Am ori o naknakman ta sya an. Ta o iwawalam rana ni Moyse am beken a isidong so apya so nakenakem a tao an. Ta o marahet so nakenakem am ori o cinamaog na a izazat do marahet a vazay da. O ipanci da marahet so nakenakem a tao a kano ji mangozay do iwawalam na ni Moyse am ji ngahap so nanao, ji raralay ni Ama ta do to, meyraraten, komolala so ipeylimwang da ciriciring na ni Ama ta do to, makza no marahet a icicirawat no tao do karawan, manwakwak so inyapwan a kano icyatatao,

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Sipolay 8:3

O vazay da no panipanirsirngen no mapatanatanang so nakem ji Ama ta do to no kakwa am patanangen da o nakem da a sarayan da ni Ama ta do to, a kapatanang da so rala no kagling a kano baka a ivonas da so raraten da. So icyakman na sang ni Yeso a mapatanang ji Ama ta do to.

Sipolay 9:26

O na icyakman sang ni Yeso a yarana ji vangovangon so iwawalam no tao do Yotay a mapatanang so rala am na rana nipatanang o kataotao na abo so raraten a ivoga na so raraten no tao. So na ikeypisa ni Yeso a mangay mawakwak nyaten a kato na rana meyyonongan a mavonas rana no raraten ta.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

Yota 1:15

a mapeykapyapinpin so tao do karawan, a mapasingsingkad do meyraraten a tao. Ta ji sira macipayok so aktokto a meynyagamo ni Ama ta do to.”

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.