Loma 5:5 - Seysyo No Tao

⁵ do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Loma 5:5 ပူးပေါင်းရင်းမြစ်များ

Nimlivolivon 10:45

Am ori o nipeyzokab da no tao do Yepey a omraralay ni Yeso a nimacihza ji Pite, ta nipanta na sira ni Ama ta do to so Seyzi o beken a tao do Yotay.

Nimlivolivon 2:17

‘O ciring na ni Ama ta do to am: No marateng rana o araraw ko no makwa am tovoin ko o Seyzi a macikaop do aro a tao. O anak nyo a mahakay a kano mavakes am mangay o kapanoyonoyo da so ciriciring ko. So iyan no malavayo a mahakay a makacita so mapangyangyalak a ipacita ko jira do akma dey tateynep. So iyan no rarakeh a mahakay a meytateynep so mapeyzokab a ipatateynep ko sira.

Nimlivolivon 2:33

So na rana nipeycyakavat a yamyan do wanan na ni Ama ta do to a yamahap so itoro na jya ni Ama ta do to a Seyzi. O nyo macita rana kano nyo mamizing sicyaikwaya am mamimin a yapo do oyowyat na no Seyzi a na nitoro ni Ama ta do to.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Loma 8:28

Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.

Loma 9:33

Akman so ciring do Seysyo. Ta maniring am, “Citahen nyo, ta yako mapangay so yasa ka veysen do yasa ka ili a meyngaran so Sian. O veysen rana ori am cikadan da no tao. Am o meyhanhan nya tao am amyan so nakem na jira ni Ama ta do to.”

1 Kedinto 8:3

Am o amraralay ni Ama ta do to a tao am ori o ipanci na ni Ama ta do to a anak na.

2 Kedinto 1:22

So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

2 Kedinto 13:14

Inaoy no si macitovong jinyo o pangangasyan ni Yeso Kizisto a Panirsirngen ta kano pangangarilawan na ni Ama ta do to a kapzat na jinyo no Seyzi.

2 Kedinto 3:18

Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Ivoso 1:13

Inyo rana beken a tao do Yotay am kamo akman sang, ta no kapakamizing nyo so manoyong a mapasaray a nanao am mina to nyo nganoyngi si Kizisto. Ori o na nitorwan rana no Seyzi jinyo ni Ama ta do to akma ney yongkad no kapacikownongan nyo rana jya.

Ivoso 4:30

Ji nyo alavat o ikeyngen na no onowned no Seyzi na ni Ama ta do to a vazay. Ta o Seyzi am yongkad na jinyo ni Ama ta do to, do kavyay na jinyo no makwa.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

1 Tesalonicya 4:8

O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.

2 Tesalonicya 2:16

Na ikarilaw yaten ni Ama ta do to a kani Yeso Kizisto a Panirsirngen ta. O pangangarilawan na ni Ama ta do to am ori o yapwan no to meyyonong a sarasaray no onowned ta amnanala so nakem na jyaten.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

1 Yowani 4:19

O ta ipangarilaw am nimanmanma si Ama ta do to a nimarilaw nyaten.