Loma 5:3 - Seysyo No Tao

³ Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

Loma 5:3 ပူးပေါင်းရင်းမြစ်များ

Locya 21:19

Ipakowyowyat nyo pa a meyhanhan nyaken. Ta ori o ipakahap nyo so to meyyonong a ikavyay no pahad nyo.

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Loma 5:11

Tamo isaray ji Ama ta do to o na kanimapanop jyaten ni Yeso Kizisto ji Ama ta do to. Am ori o yata ipacikaop ji Ama ta do to. So ta na ikasaray do yana kanimahap ni Kizisto so vazay na ni Ama ta do to a yasomidong jyaten.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

Loma 9:10

Akman sang, ta o rarwa ka anak na ni Leypeycya am asa o ama da. Iya rana am si Isa.

2 Kedinto 4:17

O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

2 Kedinto 8:19

Beken a ori an, ta iya rana am da nitenngan no peycyakyokyokayan na yamacilivon jyamen a mapeyvazay so pangangarilawan na ni Ama ta do to. O namen ahapan so akman sya vazay am yatomngeh do azwazway ni Ama ta do to a ipakateneng da jyamen a meyngongyod so nakenakem a mangarilaw so tao.

Ivoso 3:13

Am ori an o ko pakotokotan pa sya jinyo. Taosya o kahaha nyo so nakem do iyan no alalaw ko. Ta o akman sang am isaray nyo o mina kapeylimwang ko no ciriciring na ni Ama ta do to jinyo.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

1 Pite 3:14

Tana meyrarahet kamo do kanoyngan nyo am somaray kamo. Ji nyo anyaheyan o tatasa ka tao a omalalaw jinyo. Ji kamo a rahet so onowned.