Loma 5:20 - Seysyo No Tao

²⁰ O nitoro ni Ama ta do to a iwawalam na ni Moyse am ipakateneng no tao do raraten da. Am tana akman sang am arakorako pa o aryarilaw na jyaten ni Ama ta do to.

Loma 5:20 ပူးပေါင်းရင်းမြစ်များ

Matay 20:9

O nimapapo so kapeyvazay da do ikalima no vatvatek am maponged sira no teyhesa ka nizpi.

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Locya 7:47

Am ori o ko pancyan nya jimo an. Ta o na ikarako no pangarilawan na am yaro nimavonas rana raraten na. O alikey so nikavonasan so raraten am apereh o karilawan na jyaken an.”

Yowani 10:10

O isdep da no manakaw am manakaw sira, kapanwakwak da ambalinas sira. Am o peypeypangayan no ko nyai do teyrahem am ko ipanta inyo so to meyyonong a ikavyay no pahad nyo, kasasaray nyo rana abo so kalahen.

Yowani 15:22

No ko jya nimai do karawan a mapamizing sira no nanao ni Ama ta do to am ji da tenngi o keyyan no raraten da. Am sicyaikwaya am ji da rana tayo o raraten da. Ta ko na nipanci jira o nanao ni Ama ta do to.

Loma 4:15

O iwawalam na ni Moyse o yapwan no peyoyaoya na ni Ama ta do to. Ta abo yasa ka tao a manoyong a makahap sya. No abo pangozayan a iwawalam am do wanjin o kapwan no raraten no tao.

Loma 6:1

Manngwa, ji ta ngaroi o raraten ta a kato na ngarilawan nyaten ni Ama ta do to?

Loma 6:14

So ji na rana nalamozongi ninyo no raraten. Ta nyo na ipeyhanhan o pangangarilawan na ni Ama ta do to a makavonas so raraten nyo. So ji na monganai do apya icicirawat nyo.