Loma 5:15 - Seysyo No Tao

¹⁵ Ta si Adam rana am nimeyraraten. Am ori o nikapwan no ikawakwak no tao. Am si Yeso Kizisto am tey mangarilaw, ta nikawakwak na o raraten no tao. O akman sang a pangangarilawan na ni Ama ta do to a yana nitoro do aro a tao am yabo tonggal na.

Loma 5:15 ပူးပေါင်းရင်းမြစ်များ

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Matay 26:28

Oya rana am rala ko a nimvoyog a omaing do aro a tao a omvonas so raraten da. O rala ko rana ya am yongkad nyo do vayo a pangozayan nyo a ciring na ni Ama ta do to.

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Yowani 4:10

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

Nimlivolivon 15:11

Yaten rana am meyyangay ta kano beken a tao do Yotay a patazadangen ni Ama ta do to do teyngato, do ta kapeyhanhan no pangangarilawan na ni Yeso a Panirsirngen ta.”

Loma 5:12

Si Adam o yapwan no raraten do karawan. Am ori o nyangay na no inawan na do kapeyraraten na. Ori o nikapwan no kawakwak rana no tao do karawan. Ta yamamimin o tao a yameyraraten.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

2 Kedinto 5:14

O pangangarilawan ni Kizisto amyan do onowned namen. Ta namen katenngan sicyaikwaya o kanimawakwak ni Yeso no tao do karawan. Am ori o ta icyakmey asa rana a macizanod do inawan ni Yeso a nimawakwak.

2 Kedinto 9:15

Isaray ta ji Ama ta do to, do na kateywara no pangangarilawan na a yana nitoro jyaten!

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Sipolay 2:9

Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.

1 Yowani 2:2

Nimawakwak si Kizisto a omvonas so raraten ta. Am beken a yatehen, ta kazagoman no tao do karawan.

1 Yowani 5:11

O ciring rana nipeylimwang na ni Ama ta do to am nitoro na rana jyaten o to meyyonong a ikavyay no pahad ta. Am o yapwan na no nang am Anak na ni Ama ta do to.