Loma 5:14 - Seysyo No Tao

¹⁴ Am no kabo pa no iwawalam na ni Moyse am amyan rana so tao a mawakwak. Tana ji sira akman si Adam a ji niomamizing si Ama ta do to am akman sira si Adam a mawakwak, ta amyan so raraten da. Si Adam am pehngehngain ji Yeso Kizisto. Am meytarek o pamoonen da do tao.

Loma 5:14 ပူးပေါင်းရင်းမြစ်များ

Loma 5:12

Si Adam o yapwan no raraten do karawan. Am ori o nyangay na no inawan na do kapeyraraten na. Ori o nikapwan no kawakwak rana no tao do karawan. Ta yamamimin o tao a yameyraraten.

Loma 5:17

So ikanoyong na no raraten na ni Adam a yapwan no ikawakwak rana no tao. Am arakorako pa o pangangarilawan na ni Ama ta do to a kani Yeso Kizisto a yamapeyvaliw jyaten a abo so raraten do tangain na ni Ama ta do to a manta nyaten so to meyyonong a ikavyay no pahad ta.

Loma 5:21

No kakwa pa am niharag no raraten o tao do karawan. Am ori o ikamimin da mawakwak no tao. Am o pangangarilawan na ni Ama ta do to am na nitoro do meyhanhan nya tao. So ikamimin da rana vonasen na so raraten. So ipakahap da rana so to meyyonong a ikavyay no pahad da, do da kanoyong ji Yeso Kizisto a Panirsirngen ta.

Loma 8:20

Ta o yameykamadadayan a nyamamaog na ni Ama ta do to am nimablis o nyamaogan na sira do kanimacizanod da ji Adam a nioyyan na ni Ama ta do to. Am beken a monganay do nyamamaog na o akman sang, ta monganay ji Ama ta do to. Am tana akman sang am amyan so kasa araw a isaliway da no nyamamaog na. So ikanoyong da rana macikasaray do omanoyong ji Ama ta do to a tao a ji rana babalinas.

Loma 8:22

Yata katenngan sicyaikwaya o yamakakaday a yana nyamamaog ni Ama ta do to a yamyan so alalaw, akman so amyan do vahay a mavakes so zikzikna.

1 Kedinto 15:22

Akman sang an. Ta o da ikawakwak no tao am sira pa macirapa so inawan ji Adam. O ipeyvangon da no amraralay ni Yeso a tao am macikownongan rana sira ji Kizisto.

1 Kedinto 15:45

Ta maniring do Seysyo am, “Si Adam am tao kamamaogan na.” Am o ipanci a manowji a Adam am si Kizisto a manta nyaten so to meyyonong a ikavyay no pahad ta.

Sipolay 9:27

Mamimin o tao a ipisa mawakwak. Am no mawakwak o tao am pacicin na ni Ama ta do to.