Loma 5:12 - Seysyo No Tao

¹² Si Adam o yapwan no raraten do karawan. Am ori o nyangay na no inawan na do kapeyraraten na. Ori o nikapwan no kawakwak rana no tao do karawan. Ta yamamimin o tao a yameyraraten.

Loma 5:12 ပူးပေါင်းရင်းမြစ်များ

Loma 3:23

Ta tanyo mamimin a yameyraraten a yaji makanet so nakenakem do tangain na ni Ama ta do to.

Loma 5:18

So ikanoyong na no raraten na ni Adam a yapwan no kapeydedna no oyaoyyan na ni Ama ta do to do tao do karawan. Akman sang, ta o kapyapya na ni Kizisto am ikamimin no meyhanhan nya tao a mavonas rana so raraten a ipakahap da rana so to meyyonong a ikavyay no pahad da.

Loma 5:19

Yakman sang o aro a tao a omamoon so raraten ni Adam. Am kanyahap na rana ni Yeso Kizisto so vazay ni Ama ta do to a mawakwak no raraten ta. Am ori o ikamimin no tao a meyhanhan nya abneken na ni Ama ta do to a abo so raraten do tangain na.

Loma 5:21

No kakwa pa am niharag no raraten o tao do karawan. Am ori o ikamimin da mawakwak no tao. Am o pangangarilawan na ni Ama ta do to am na nitoro do meyhanhan nya tao. So ikamimin da rana vonasen na so raraten. So ipakahap da rana so to meyyonong a ikavyay no pahad da, do da kanoyong ji Yeso Kizisto a Panirsirngen ta.

Loma 6:21

O yanyo ipacimanig rana sicyaikwaya a vazay am nipeyvazay nyo na. Am ikongo o na kapyapyan no akman sang. Kangay nyo saon do kararatan no akman sang am.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

1 Kedinto 15:56

O kanyaheyan da no kawakwak da no tao am ikanyahey da o kaoya na nira ni Ama ta do to do kapeyraraten da. O ipeyraraten da am ji da ngapa o iwawalam na ni Ama ta do to.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

Yake 1:15

No amlida do onowned na o marahet a ikeykakza na am meytotwaw rana o raraten na. Ori rana am yapwan no kangay na do makotokotod a lila no apoy a mangay do kaidan no karawan.

Yake 3:2

Abo jyaten eya o jya nimalas so vazay. Am o tao a ji mapatwaw so marahet a ciring am manoyong o akman sang a abo so karatan, do kapakapzat na do lila na kano kataotao na.