Loma 4:5 - Seysyo No Tao

⁵ Am o nakenakem na jyaten ni Ama ta do to am beken a akman sang. Ta o meyhanhan nya tao am beken a monganay do kapya no icicirawat na. Ta o abnekan na sya abo so raraten ni Ama ta do to am monganay do kapeyhanhan na nya.

Loma 4:5 ပူးပေါင်းရင်းမြစ်များ

Make 9:23

Maniring si Yeso am, “No si manoyong kapeyhanhan mo ni Ama ta do to am abo sapan a vazay.”

Yowani 5:24

To ko na macitangayan jinyo am omamizing so ciring ko a tao a omanoyong do yanitomovoy jyaken am mahap na o to meyyonong a ikavyay no pahad na. So ikanoyong na ji na meydednai no peyoyaoyyan na ni Ama ta do to. Ta nimaliklik na rana o apwa kawakwakan no pahad na.

Yowani 6:29

Maniring si Yeso am, “O na kakzeben jinyo a vazay nyo ni Ama ta do to am anoyngan nyo yaken a nitovoy na ni Ama ta do to.”

Loma 10:3

Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 4:24

Ta akman sang o ciring na jyaten, do yata kanoyong ji Ama ta do to a nimirwa a omvyay si Yeso Kizisto a Panirsirngen ta. So icyakman ta sang a abneken na ni Ama ta do to a abo so raraten do tangain na.

Loma 4:3

Ta maniring do Seysyo am, “Na anoyngan si Ama ta do to ni Apolahan. Ori nibnekan na sya ni Ama ta do to do a abo so raraten do tangain na.”

Loma 4:6

O akman rana sang a tao am tey yapya an, ta ji monganay do apya icicirawat na o yana vonasan so raraten na. Ori o akman so nipanci ni Tawey. Maniring am,

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.