Loma 4:21 - Seysyo No Tao

²¹ Anoyngan na si Ama ta do to a mangononong do mina ciring na jya.

Loma 4:21 ပူးပေါင်းရင်းမြစ်များ

Matay 19:26

Maniring jira si Yeso a tomita sira am, “O masalit do tao am mowwamek ji Ama ta do to. Ta abo ji na peyvazay ni Ama ta do to.”

Locya 1:1

Kokay mo Tiawveylo. Amyan so aro a tao a nimvatvatek do mina vazay da no kadwan jyaten.

Locya 1:37

Ta abo ji na hap a vazay ni Ama ta do to.”

Locya 1:45

Mo anoyngan o ciring na jimo ni Ama ta do to a mangononong. So mo ikanoyong a tey yapya.”

Loma 14:4

Sino ka a yamazyak no lamlamsoy no karwan no tao. Manngwa, ji na zyakan no katenngan a tao o karatan no lamlamsoy na? No si Yeso o Panirsirngen na kasidong na sya am jyabo karahet na.

Loma 14:5

Amyan so tao a manci no katey makdeng no kasaraw a raralayan ni Ama ta do to a kano toda kararaw. Am amyan so tao a manci no kato na meyyangangayan no araraw. Ney yapya na am ji meykawad so nakenakem.

Loma 8:38

Ta yako anoyngan o kabo no makapasyay jyaten do pangangarilawan ni Ama ta do to. Tana mavyay ta, tana mawakwak ta am to meyyonong o karilawan na nyaten ni Ama ta do to. Tana tinsi a tana kalamsoyan ni Satan am abo o makapasyay jyaten ji Ama ta do to a marilaw nyaten. So ikabo no oyowyat do sinokob no hanit a makapasyay jyaten do aryarilaw na jyaten ni Ama ta do to. Tana sicyaikwaya, tana no makwa am abo do karawan o amyan so oyowyat a mapasyay jyaten do pangangarilawan na ni Ama ta do to a yarana macikaop ji Yeso Kizisto a Panirsirngen ta.

2 Kedinto 9:8

Ta arakorako pa o itoro na jinyo ni Ama ta do to. So ikanoyong nyo to meypanpan do kanekanen nyo a manidong so ikeykasi nyo a tao.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 11:19

Nipeyhanhan na ni Apolahan si Ama ta do to a mapaoli sya avyain si Isa. Am ori o ta pancyan ni Apolahan a nimahap si Isa do apwa kawakwakan na.