Loma 4:18 - Seysyo No Tao

¹⁸ Tana katenngan na o katey masalit na no keyyan no minapodpod jya do kararakeh na rana am na anoyngan o kapangononong na no mina ciring na jya ni Ama ta do to. Ta maniring si Ama ta do to jya am, “Somaod ka so sivosivovoong.”

Loma 4:18 ပူးပေါင်းရင်းမြစ်များ

Locya 1:18

Maniring si Sacyadiya do tinsi am, “Ikongo pakatenngan ko do ciring mo. Namen rana rarakeh eya meyyaven do vahay. Jyabo kapacinadnadnad na pa no kahanghangan ko a.”

Nimlivolivon 27:25

Am ori o ji nyo anyahei, manga keypong an. Ta ko anoyngan si Ama ta do to a mangononong do ciring na jyaken.

Loma 4:17

Ta maniring do Seysyo am, “Ko abneken imo a ama da no tao do peycyamahamahatawan na.” So ipangononong na no ciring ni Ama ta do to. Ta o na anoyngan ni Apolahan a Tao do to am yamapeyvangon so nimawakwak a tao a nimangamamaog so karawan.

Loma 4:19

Toda ji makapoo (100) o kakawakawan na am naknakmen na rana o kararakeh na ni Apolahan. O mavakes na meyngaran si Salay am ji rana makapeytaodtod ori. Am ji na haywan ni Apolahan o kapeyhanhan na ni Ama ta do to.

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Loma 8:24

O na patazadangan jyaten ni Ama ta do to am ta toda ji ngamoga a yamahap o yana itoro ni Ama ta do to. Am no to na cita o akman sang am ji mancyan ori a yatoda ji ngamoga a mahap a itoro na ni Ama ta do to.

Sipolay 6:19

Yamyan rana jyaten so yata ipeyhanhan. So icyakma ney nitkehnan a lalitan no pahad ta, yarana jyagonagonay a meypangay nyaten do tangain na ni Ama ta do to.