Loma 4:16 - Seysyo No Tao

¹⁶ O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

Loma 4:16 ပူးပေါင်းရင်းမြစ်များ

Locya 19:9

Maniring si Yeso jya am, “Yana nipanta inyo ni Ama ta do to so vayo a onowned nyo a asa ka vahay. Ta meyyangay kanyo a kano ineynapo nyo a si Apolahan a meyhanhan ni Ama ta do to.

Loma 15:8

Naknakmen nyo an, ta o na nyai ni Kizisto do teyrahem am sidongen na o tao do Yotay a makateneng do kanoyong na ni Ama ta do to a mangononong do mina ciring na do ineynapo da no kakwa pa.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 3:30

Yasa si Ama ta do to. O ikapya namen a tao do Yotay do tangain na am akman sang, ta inyo rana beken a tao do Yotay am no si anoyngan nyo si Ama ta do to am akman kamo sang a vonasen na so raraten.

Loma 4:11

O peypeypangayan na no kayongkad da do kataotao na am nivonas na rana ni Ama ta do to o raraten na, ta nipeyhanhan na si Ama ta do to. Am ori nipancyan na nya abo rana so raraten. Ori o da abnekan si Apolahan a ama da no yameyhanhan ni Ama ta do to a tao. Tana ji da yongkaji o kataotao da am to na rana abneken sira abo so raraten do kapeyhanhan da ni Ama ta do to.

Loma 5:1

O na abnekan jyaten ni Ama ta do to a abo so raraten do tangain na am ta ipeyhanhan si Yeso Kizisto a Panirsirngen ta. So ikanoyong ta rana macikaop ji Ama ta do to.

Loma 9:8

O peypeypangayan no ciring na am beken a mamimin o nimapodpod ji Apolahan a abneken na anak ni Ama ta do to. Ta o meyhanhan nya a mangononong do ciring na am ori o meyngongyod a abneken na anak.

Cyalatay 3:14

O nikakman na sang ni Yeso Kizisto am ikakza na o aryarilaw na ni Ama ta do to si Apolahan a mangay na itoro do beken a tao do Yotay. So ta rana ikamimin a makahap so Seyzi a nipanci na itoro na jyaten ni Ama ta do to, do kapeyhanhan ta nya.

Cyalatay 3:16

Akman sang an, o nipanci ni Ama ta do to a nakem na a itoro na ji Apolahan a kano asa ka tao do sivosivovoong na. So ji na nimapakaciringi sya do aro a tao, ta asa ka tao. Iya rana am si Kizisto.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Tito 3:7

O pangangarilawan na ni Ama ta do to am ori o ikapya ta na so nakenakem jya, ta abwata rana o raraten ta do tangain na. So ikanoyong ta mapananala so kapakahap ta rana so to meyyonong a ikavyay no pahad ta.

2 Pite 1:10

Ori an manga kakteh an, ipakowyowyat nyo pa a mapeyyan sya do onowned nyo so mina kapamnek na jinyo ni Ama ta do to. Ta no si akman kamo sang am jyabo kapeyparai nyo ji Ama ta do to a,