Loma 4:15 - Seysyo No Tao

¹⁵ O iwawalam na ni Moyse o yapwan no peyoyaoya na ni Ama ta do to. Ta abo yasa ka tao a manoyong a makahap sya. No abo pangozayan a iwawalam am do wanjin o kapwan no raraten no tao.

Loma 4:15 ပူးပေါင်းရင်းမြစ်များ

Yowani 15:22

No ko jya nimai do karawan a mapamizing sira no nanao ni Ama ta do to am ji da tenngi o keyyan no raraten da. Am sicyaikwaya am ji da rana tayo o raraten da. Ta ko na nipanci jira o nanao ni Ama ta do to.

Yowani 3:36

Omanoyong do Anak na am mahap na o to meyyonong a ikavyay no pahad na. O ji nganoyong do Anak na am abo jya o ikavyay no pahad na, ta meydedna jya o peyoyaoyyan na ni Ama ta do to.

Loma 1:17

Ta o Mapasaray a Ciriciring na ni Ama ta do to o ipakateneng ta do kabnek na jyaten ni Ama ta do to a abo so raraten do tangain na. O yapwan na no nya am amyapo do kapeyhanhan ta nya. Ta maniring do Seysyo am, “O tao rana a abneken na ni Ama ta do to a abo so raraten do tangain na am mahap da o to meyyonong a ikavyay no pahad da.”

Loma 5:13

No kabo na pa no nitoro na ni Ama ta do to a iwawalam na ji Moyse am amyan rana so raraten no tao do karawan. Am o raraten no tao am ji pa mancyan a raraten da, ta abo pa o iwawalam a pangozayan da.

1 Kedinto 15:56

O kanyaheyan da no kawakwak da no tao am ikanyahey da o kaoya na nira ni Ama ta do to do kapeyraraten da. O ipeyraraten da am ji da ngapa o iwawalam na ni Ama ta do to.

Cyalatay 3:10

O tao a meyhanhan no iwawalam na ni Moyse am meydedna jira o peyoyaoyyan na ni Ama ta do to, do kaji da makataptapan sya a peyvazain. Ta o ciring do Seysyo am, “O tao a ji makataptap sya peyvazain so yadomket a iwawalam ni Moyse am mangay jira o peyoyaoyyan na ni Ama ta do to.”

Cyalatay 3:19

Am ikongo peypeypangayan na no iwawalam ni Ama ta do to a nitaid na ji Moyse. O iwawalam rana ori am ipakateneng no tao do raraten da mangay do yai no sivovoong ni Apolahan a si Kizisto. Am no kano nang am tinsi o nitomoro nya ji Moyse so iwawalam ang a katoro na rana nya do tao.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

Kelosi 3:6

O akman rana sang a vazay am peydednahen na jya o peyoyaoyyan ni Ama ta do to do akman sang a ji ngonot jya tao.

1 Yowani 3:4

O tao a mapasobna do iwawalam ni Ama ta do to am raraten o akman sang. Ta o raraten rana am mapasobna do iwawalam ni Ama ta do to.

Ipaziman 19:15

So nipeytotwaw no ipangan do ngongoy na. O ipangan am ibalinas na so peycyamahamahatawan. So icyakma ney vahalang so kowyowyat a tomalamozong no peycyamahamahatawan na. So icyakma ney komates so macioya jya tao a pasingsingtan na jira no tey mowyat a Tao do to.