Loma 4:11 - Seysyo No Tao

¹¹ O peypeypangayan na no kayongkad da do kataotao na am nivonas na rana ni Ama ta do to o raraten na, ta nipeyhanhan na si Ama ta do to. Am ori nipancyan na nya abo rana so raraten. Ori o da abnekan si Apolahan a ama da no yameyhanhan ni Ama ta do to a tao. Tana ji da yongkaji o kataotao da am to na rana abneken sira abo so raraten do kapeyhanhan da ni Ama ta do to.

Loma 4:11 ပူးပေါင်းရင်းမြစ်များ

Matay 16:16

Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Matay 8:11

Naknakmen nyo an. Ta myan so aro do peycyeylilyan a mai a macihanghang ji Apolahan a kani Isa kani Yakebo do italamozong na ni Ama ta do to do teyngato.

Locya 19:9

Maniring si Yeso jya am, “Yana nipanta inyo ni Ama ta do to so vayo a onowned nyo a asa ka vahay. Ta meyyangay kanyo a kano ineynapo nyo a si Apolahan a meyhanhan ni Ama ta do to.

Yowani 3:33

Am o mahap so nanao na tao am pacyanoyngan da si Ama ta do to a tey manoyong.

Yowani 3:36

Omanoyong do Anak na am mahap na o to meyyonong a ikavyay no pahad na. O ji nganoyong do Anak na am abo jya o ikavyay no pahad na, ta meydedna jya o peyoyaoyyan na ni Ama ta do to.

Yowani 6:35

Maniring si Yeso jira am, “Yaken rana am akma koy kanen a ikavyay no pahad nyo. O mai jyaken a tao am to meyyonong rana jyakcin. Omanoyong jyaken am to meyyonong a jyawaw.

Yowani 6:40

Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”

Yowani 6:47

To ko na macitangayan jinyo am omanoyong jyaken a tao am mahap da o to meyyonong a ikavyay no pahad da.

Yowani 8:33

Maniring sira am, “Yamen rana am komownongan ji Apolahan. So na ikabo pa no yanimapeylamsoy jyamen. Mo ipanci o kasaliway namen no makwa. Ikongo peypeypangayan no ciring mo ang.”

Loma 10:11

Maniring do Seysyo am, “Omanoyong jya tao am amyan so nakem na jira ni Ama ta do to.”

Loma 10:4

O na nyai ni Kizisto do karawan am ipanci na o kabo no oyowyat no iwawalam na ni Moyse a amvonas so raraten no tao. Ta si Ama ta do to o makavonas so raraten ta tao. So ikanoyong no meyhanhan rana nya tao a abneken na ni Ama ta do to a abo rana so raraten do tangain na.

Loma 10:6

Am o meyhanhan ni Yeso a tao o vonasen na ni Ama ta do to so raraten a abneken na abo so raraten do tangain na. Ta maniring do Seysyo am, “Ji mo mancyan o, ‘Sino mangay do teyngato a mapeyhekas si Kizisto.’ ”

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 3:26

Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

Loma 3:30

Yasa si Ama ta do to. O ikapya namen a tao do Yotay do tangain na am akman sang, ta inyo rana beken a tao do Yotay am no si anoyngan nyo si Ama ta do to am akman kamo sang a vonasen na so raraten.

Loma 4:10

Ikongo nikapwan no akman sang. No kaji da pa nimyongkadan ji Apolahan an? No kateyka na rana niyongkadan da. Jyabo kaji na nimyapwan no kaji da niyongkadan do kataotao na.

Loma 9:30

O makdeng do jya am sira rana beken a tao do Yotay a yaji meyhanhan no apya icicirawat da am yana sira nivonas so raraten. Na abneken rana sira apya do tangain na do yada kapeyhanhan nya.

Loma 9:33

Akman so ciring do Seysyo. Ta maniring am, “Citahen nyo, ta yako mapangay so yasa ka veysen do yasa ka ili a meyngaran so Sian. O veysen rana ori am cikadan da no tao. Am o meyhanhan nya tao am amyan so nakem na jira ni Ama ta do to.”

Loma 9:6

Beken a ko ipanci o kabo na rana no peypeypangayan no mina ciring na ni Ama ta do to jira, do da kaji nganoyngan ji Yeso Kizisto. Ta beken a todamimin sira o sivosivovoong ni Isedi a meyngongyod a Isedi a tao a italamozong na ni Ama ta do to.

2 Kedinto 1:22

So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Cyalatay 3:29

No kamo macilovot ji Kizisto am manoyong kamo na a macikownongan ji Apolahan a omamoon so aryarilaw na ni Ama ta do to si Apolahan.

Cyalatay 3:7

Am ori an, no si myan so tao a meyhanhan ni Ama ta do to am manoyong ori a macikownongan ji Apolahan.

Cyalatay 5:5

Am yaten rana am na oyatan yaten no Seyzi a meyhanhan ni Yeso Kizisto. Am ori o na abnekan rana jyaten ni Ama ta do to a abo rana so raraten do tangain na.

Cyalatay 6:16

Inaoy no si ikarilaw na sira ni Ama ta do to o yamangozay do ciriciring ko, pacyangayan da no tao do Yotay a kano beken a tao do Yotay, kapanta na nira so ikapiya no onowned da.

Ivoso 1:13

Inyo rana beken a tao do Yotay am kamo akman sang, ta no kapakamizing nyo so manoyong a mapasaray a nanao am mina to nyo nganoyngi si Kizisto. Ori o na nitorwan rana no Seyzi jinyo ni Ama ta do to akma ney yongkad no kapacikownongan nyo rana jya.

Ivoso 4:30

Ji nyo alavat o ikeyngen na no onowned no Seyzi na ni Ama ta do to a vazay. Ta o Seyzi am yongkad na jinyo ni Ama ta do to, do kavyay na jinyo no makwa.

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

Ipaziman 9:4

a keyyan no ciring a manci nya jira so kaji da mapeycyaraherahetan so tamek a kano kayo a kano makakaday a mowamowa. Am apya o kasongit da so jya nitovilan so zozogwan a tao, do kapakatovil da jira a omanop ji Ama ta do to.