Loma 3:9 - Seysyo No Tao

⁹ Manngwa, namen apyapya pa tao do Yotay a kano karwan no tao do tangain na ni Ama ta do to? Jyabo kakman na sang a. Nipanci ko na o tao do Yotay a kano beken a tao do Yotay a yameyyangay a yameysaod pa so raraten.

Loma 3:9 ပူးပေါင်းရင်းမြစ်များ

Locya 7:39

Macita na no tomaotao si Yeso a tao a macyagom do Vadisay am naknakmen na do onowned na am, “No yamanoyong o tao eya yapo ji Ama ta do to am jyabo na kaji makatenngan do vazay na no yaminan jya mavakes eya.”

Loma 1:18

Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

Loma 11:32

Nakenakem na ni Ama ta do to o kamimin no tao do karawan a makateneng do da peyraratenan. Ta ori o ipakateneng da do pangangasyan na.

Loma 11:7

Am ori o ji da makahapi sya no Isedi a tao so kakzeben da no nakem. Ta o nipamnekan na ni Ama ta do to am ori o nivonas na so raraten a kabnek na sira abo so raraten do tangain na, ta nipeyhanhan da si Yeso Kizisto. Am o karwan no tao am to da nazibwan o pangangasyan na ni Ama ta do to.

Loma 2:1

Yata katenngan o kanoyong na no oyaoyyan na ni Ama ta do to no akman so sang a tao. Am no si manamwad ka so tao am raraten mo ori. Ta o peyraratenan mo so sang am mo ipanci o kataotao mo a abo so karatan.

Loma 3:1

No manoyong kakman na sang am ikongo peypeypangayan no ka tao do Yotay da kano kayongkad da do kataotao da.

Loma 3:19

O iwawalam na ni Moyse am itoro na ni Ama ta do to do tao do Yotay a pangozayan da. So ikabo no tao do karawan a omalalas do raraten da do tangain na ni Ama ta do to.

Loma 3:5

Ala yamyan so tao a manci no, “Apya o keyyan no raraten ta. Ta o raraten ta am ipakateneng da no tao ji Ama ta do to a ji meyraraten a kazwazway da sya. So ikalas na ni Ama ta do to a mapasingsingkad jyaten.”

Loma 6:15

No akman sang am manngwa, apya saon o kato ta na meyraratenan a meyhanhan no pangangarilawan na ni Ama ta do to a makavonas so raraten ta? Jyabo kakman ta sang a.

Loma 7:14

Manoyong o na kapo ji Ama ta do to no iwawalam na ni Moyse. Am yaten rana am tao ta. Jyabo kapakataptap ta so yadomket a ciring do iwawalam na ni Moyse a.

1 Kedinto 10:19

Ikongo peypeypangayan no akman sang a ciring. Manngwa, manoyong o kakdeng na no malas a iraralay da kano pazos?

1 Kedinto 14:15

No akman sang am makongo so wanjin. No meynozi ko am meynozi o onowned ko a kano akman sang a aktokto ko a meynozi. Akman sang no meyyanwanood ko.

1 Kedinto 4:7

Inyo rana mapakazwazway am sino ney mowyat na jinyo a makaharag so tao. Manngwa, nyo jyatenngi o yamakakaday jinyo a yamamimin a yapo ji Ama ta do to? Ikongo nyo peyzezwayan no nitoro na jinyo. Am ori o pavevehan nyo pa so nakenakem nyo an.

Cyalatay 3:10

O tao a meyhanhan no iwawalam na ni Moyse am meydedna jira o peyoyaoyyan na ni Ama ta do to, do kaji da makataptapan sya a peyvazain. Ta o ciring do Seysyo am, “O tao a ji makataptap sya peyvazain so yadomket a iwawalam ni Moyse am mangay jira o peyoyaoyyan na ni Ama ta do to.”

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Veydipi 1:18

Am cinakongo na. Tana somala rana o onowned da am cyaha, ta si Kizisto o ipeylimwang da. Am ori o sarayan ko nya sicyaikwaya mangay no makwa.