Loma 3:5 - Seysyo No Tao

⁵ Ala yamyan so tao a manci no, “Apya o keyyan no raraten ta. Ta o raraten ta am ipakateneng da no tao ji Ama ta do to a ji meyraraten a kazwazway da sya. So ikalas na ni Ama ta do to a mapasingsingkad jyaten.”

Loma 3:5 ပူးပေါင်းရင်းမြစ်များ

Loma 12:19

Ji nyo to meyneynakman o kapatonggal nyo do amwoya ninyo a tao, manga keypong. Cyaha, ta si Ama ta do to o mapasapa do dang. Ta maniring do Seysyo am, “Yaken o mapasapa do oyaoyyan da ninyo. Yaken o mapeyvazay so amwoya ninyo.” Ori rana am ciring na no Panirsirngen ta.

Loma 2:5

Am yamo kakmey mavota so onowned a yaji mamlis. Am no si marateng rana o araraw na no peyoyaoyyan na ni Ama ta do to am jyabo kaji nakdekdengan pa no ipasingsingkad na jimo no ji mapeycyakaban so tao a Tao do to a.

Loma 3:19

O iwawalam na ni Moyse am itoro na ni Ama ta do to do tao do Yotay a pangozayan da. So ikabo no tao do karawan a omalalas do raraten da do tangain na ni Ama ta do to.

Loma 3:7

Ala yamyan pa so tao a yamanci no, “Si malas o ciring ko am jyabo kaji da makatenngan jya no tao si Ama ta do to a yajyalas so ciring a. No akman sang am ikongo pasingsingkadan na jyaken ni Ama ta do to.”

Loma 4:1

Naknakmen ta pala si Apolahan a manoyong a ineynapo namen a tao do Yotay.

Loma 5:8

Am no kapeyraraten ta pa am nikawakwak na yaten ni Kizisto. Ori rana am yongkad na ori ni Ama ta do to, do na karilaw nyaten.

Loma 6:1

Manngwa, ji ta ngaroi o raraten ta a kato na ngarilawan nyaten ni Ama ta do to?

Loma 6:19

Abo o makdeng a ciring ko jinyo, ta ko ihawa inyo a ji makateneng jya. No kakwa pa am ji nyo amzaci o onowned nyo. Am ori o ikarahet no vazay nyo. So ikanoyong nyo akma ney lamlamsoy no raraten. Am sicyaikwa rana ya am itoro nyo o kataotao nyo ji Ama ta do to a mahap so vazay na. Ta ori o ji nyo rana meylimotengi so onowned a lamlamsoy na ni Ama ta do to.

Loma 7:7

No akman sang am manngwa, ipanci ta o iwawalam na ni Moyse a yapwan no raraten? Jyabo kakman na sang a. Ta o iwawalam na ni Moyse am ipakateneng ta do raraten. No abo iwawalam a yamanci no kaji mangagoman am jyabo ko kapakateneng do karahet no mangagom a.

Loma 8:31

No yakman sang am ikongo ipanci ta. No si sidongen na yaten ni Ama ta do to am abo makaharag jyaten.

Loma 9:30

O makdeng do jya am sira rana beken a tao do Yotay a yaji meyhanhan no apya icicirawat da am yana sira nivonas so raraten. Na abneken rana sira apya do tangain na do yada kapeyhanhan nya.

1 Kedinto 15:32

Akman so mina alalaw ko do Ivoso. Ta mina akma koy to maciliman do masozi a kokoman so tao do peyrehrehtan da jyaken no tao. No ji mirwa a mavyay o nimawakwak a tao am tana to tamo rana mamaring so kanen do araraw am ibnek so kaji ta limanan do kadadayan na so araraw.

1 Kedinto 9:8

Beken a ko to mancyan o akman sang a ciring. Ta yakman sang o ciring do iwawalam na ni Moyse.

2 Kedinto 6:4

Yamen rana do yamakakaday a vazay am yanamen akmey tongbowa o yameykamadadayan a alalaw, do namen kanoyong a lamlamsoy ni Ama ta do to.

2 Kedinto 7:11

Cittey kamo pala. Ta si Ama ta do to rana am na nipeypapya jinyo o lavyan nyo a meypakdeng so nakenakem jya. Ta nyo nikaoya rana o mina raraten nyo. Nyo nikaoya o peyraratenan na no asa ka tao ang. Ta nyo ji mya o kapacizagom nyo jya a peydednan no oyaoyyan na nya ni Ama ta do to. O akman rana sang a onowned nyo sicyaikwaya am yongkad na rana no kanoyong nyo nimamlis rana so onowned.

Cyalatay 2:18

Am no si olin ko pa hapen o iwawalam ni Moyse am raraten ko ori.

Cyalatay 3:15

Manga kakteh, o ahahapan sya no tao am no meysirisiring o rarwa ka tao do vazay da am to da na mamneki o apyahen da. So ikabo rana no mapasobna do nipamnekan da vazay, do kabo rana no nipeyras da vazay.

Ipaziman 15:3

a meyyanwanood so anood ni Moyse a lamlamsoy ni Ama ta do to a kano anood no Kagling. O aingan no anood da am, “Mo Panirsirngen a tey mowyat a Tao do to a yatomalamozong no peycyamahamahatawan na. Yatey manoyong o vazay mo a yaji mapeycyakaban so tao.

Ipaziman 18:20

“Somaray kamo do teyngato, ta yarana nimabalinas o rako a ili a meyngaran so Papilon. Inyo a yaomanop ji Ama ta do to a kano amlivolivon no ciriciring na ni Ama ta do to a kano panoyonoywan na so ciring am somaray kamo, ta na rana nipangonong inyo ni Ama ta do to. So na rana nipasingsingtan jya.”