Loma 3:26 - Seysyo No Tao

²⁶ Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

Loma 3:26 ပူးပေါင်းရင်းမြစ်များ

Locya 1:80

Makaveyvow rana o anak na ni Sacyadiya am meypakatkat o nakenakem na. Nimeyvahay do kabwan no nihakawan no tao a mangay do nipeytotwaw na rana mangnanao so Isedi a tao.

Loma 3:25

Nitovoy na si Yeso Kizisto a mangay mawakwak no raraten ta. So ikanoyong no meyhanhan nya tao a mavonas rana so raraten. O ikakman na sang ni Ama ta do to am ipacita na o kaji na alasan a mapeykapyapinpin so tao. Ta o pangangasyan na am ori o ji na rana mapasingsingkaji do meyhanhan nya tao no kakwa.

Loma 3:27

Am ikongo ipakazwazway ta. Jyabo a. O ko pancyan no nang am beken a ta kahap so iwawalam na ni Moyse o yata ikapya do tangain na ni Ama ta do to. Ta yaomagaz do yata kapeyhanhan ni Yeso Kizisto.

Loma 3:30

Yasa si Ama ta do to. O ikapya namen a tao do Yotay do tangain na am akman sang, ta inyo rana beken a tao do Yotay am no si anoyngan nyo si Ama ta do to am akman kamo sang a vonasen na so raraten.

Loma 4:5

Am o nakenakem na jyaten ni Ama ta do to am beken a akman sang. Ta o meyhanhan nya tao am beken a monganay do kapya no icicirawat na. Ta o abnekan na sya abo so raraten ni Ama ta do to am monganay do kapeyhanhan na nya.

Loma 8:33

Sino o amraherahet jyaten a nipamnekan na ni Ama ta do to. Ta yaten rana am na rana nibnek yaten a abo so raraten do tangain na.

Ipaziman 15:3

a meyyanwanood so anood ni Moyse a lamlamsoy ni Ama ta do to a kano anood no Kagling. O aingan no anood da am, “Mo Panirsirngen a tey mowyat a Tao do to a yatomalamozong no peycyamahamahatawan na. Yatey manoyong o vazay mo a yaji mapeycyakaban so tao.