Loma 3:1 - Seysyo No Tao

¹ No manoyong kakman na sang am ikongo peypeypangayan no ka tao do Yotay da kano kayongkad da do kataotao da.

Loma 3:1 ပူးပေါင်းရင်းမြစ်များ

Yowani 4:22

Inyo rana tao do Samadiya am nyo jyatenngi o yanyo iraralay. Yamen a tao do Yotay am namen katenngan o namen iraralay. Ta o mapatazadang so tao a mangay do teyngato am apo do tao do Yotay.

Loma 3:2

Yaro peypeypangayan no nang. O ney manma na am na nitoro jira ni Ama ta do to o ciriciring na.

Loma 3:9

Manngwa, namen apyapya pa tao do Yotay a kano karwan no tao do tangain na ni Ama ta do to? Jyabo kakman na sang a. Nipanci ko na o tao do Yotay a kano beken a tao do Yotay a yameyyangay a yameysaod pa so raraten.

1 Kedinto 15:32

Akman so mina alalaw ko do Ivoso. Ta mina akma koy to maciliman do masozi a kokoman so tao do peyrehrehtan da jyaken no tao. No ji mirwa a mavyay o nimawakwak a tao am tana to tamo rana mamaring so kanen do araraw am ibnek so kaji ta limanan do kadadayan na so araraw.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.