Loma 2:8 - Seysyo No Tao

⁸ Am o yatomaosya so manoyong a nanao na ni Ama ta do to a yaomonot do malas a vazay da am meydedna jira o peyoyaoyyan na ni Ama ta do to.

Loma 2:8 ပူးပေါင်းရင်းမြစ်များ

Loma 1:18

Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

Loma 10:16

Am beken a todamimin o tao a omanoyong do Mapasaray a Ciriciring na. Maniring si Isayya am, “Mo Panirsirngen, sino omanoyong do yanamen ipeylimwang a ciriciring mo.”

Loma 15:18

O yamakdeng a yako ipanci am nioyatan na yaken ni Yeso Kizisto a yasomidong so beken a tao do Yotay a yaomanod ji Ama ta do to. Nisidong na yaken do makakaday a vazay a kano nipeylimwangan ko nya.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

Loma 9:22

Akman sang o vazay na ni Ama ta do to. Ta nipacita na o peyoyaoyyan na kano oyowyat na. Am na kato anketkenan do nakenakem na yamwoya no tao do da peyraratenan.

1 Kedinto 11:16

No si myan pa so jyalpid a tao am naknakmen na o kabo no meytarek a iwawalam ta. So da ikamimin no peycyakyokyokayan na yanan no yakman sang a iwawalam.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

Cyalatay 5:20

manaralay so malas a iraralay a kano mamnek a kano meyliliman a kano maoyaoyahen a kano mararaten a kano mapeysyasyay so nakem no tao,

Veydipi 1:17

Am o yatatasa ka tao a yameylimwang ni Kizisto am yasomala o onowned da. Yada naknakmen o yada karapa do alalaw ko, do yako iyan do pamemtengan eya.

Veydipi 2:3

Ji nyo pakaranga o nakenakem nyo an. Ji nyo akzan o keynakem nyo a tao an. Ikanig nyo o kadwan jinyo an. Naknakmen nyo o keyyan no tao a apyapya pa ka ninyo an.

Tito 3:9

Am ji mo pasngena o kapacinekanekad da a macivaivait no iwawalam na ni Moyse a kano katatapilan nyo. Ta o akman rana sang am abo o peypeypangayan no akman sang.

Sipolay 10:27

Sira rana to nazibo ni Ama ta do to a tao am kapananala da rana so peyoyaoyyan na ni Ama ta do to do makotokotod a lila no apoy a ombalinas sira.

Sipolay 11:8

Si Apolahan rana am nionotan na si Ama ta do to do kapeyhanhan na nya. Am ori o nikarwan na do keymiminili da a mangay do tovoyan na sya ni Ama ta do to a pongso a itoro na jya ni Ama ta do to. Am no kakaro na do keymiminili da am ji na tenngi o angayan na.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Yake 3:14

Am no si amyan do onowned nyo so manginanahet a kano masicyakaoya kano mararaten am ji kamo na mapazway so nakem. Taosya o kapakateneteneng nyo.

Yake 3:16

O yanan na no manginanahet a kano mararaten am manoyong keyyan na do onowned da no meyzavozavoz a vazay a kano makakaday a raraten.

1 Pite 3:1

Inyo rana mavakes am onotan nyo o kahanghangan nyo. Ta no si amyan jira ori so ji nganoyong do Ciriciring na ni Ama ta do to am anoyngan da rana, do pakacittan da so apiya icicirawat nyo. So ikapyapya no apya icicirawat nyo a kano aro a ciring nyo a inanao nyo sira.

1 Pite 4:17

Yarana marateng sicyaikwaya o araraw no yana ipeykapyapinpin so tao ni Ama ta do to. Am papwen na do omanoyong jya tao o pacicin na. No si panmahen na yaten a pacicin ni Ama ta do to am makongo paro sira so wanjin o jya niomanoyong do Mapasaray a Ciriciring na ni Ama ta do to a tao.

Ipaziman 14:10

ayopen da o masozi a saki ni Ama ta do to. O saki rana am sozisozyan na ni Ama ta do to. So ikabo no kasyasyan na nira. O paglowan na so ayoyopen no peyoyaoyyan na am pasingsingkadan na sira do tangain no aro a tinsi a kano Kagling a matemtem no lila no apoy.

Ipaziman 16:19

O rako a ili a meyngaran so Papilon am nimeykadwa o nikazazyan na. So ikabo na no jya nimabalinas a ili do peycyamahamahatawan na. O icyakman na sang am peyyanen na ni Ama ta do to do onowned na o raraten da no tao do Papilon. Am ori o nipakasan na sya jira ni Ama ta do to so peyoyaoyyan na.