Loma 2:7 - Seysyo No Tao

⁷ Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Loma 2:7 ပူးပေါင်းရင်းမြစ်များ

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Locya 21:19

Ipakowyowyat nyo pa a meyhanhan nyaken. Ta ori o ipakahap nyo so to meyyonong a ikavyay no pahad nyo.

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

Yowani 4:36

O mapanop so tao a omanoyong do nanao ko am arako o nakem ko jya. Sira rana omonot do nanao ko am mahap da o to meyyonong a ikavyay no pahad da. Katonodan no nang o amhakakaw a tao. Ta o pamowahen no asa ka tao am macivonong sira o karwan tao. So ikanoyong da tey masaray a tomaham do nihakawan da. Akman so meylimwang no ciriciring na ni Ama ta do to a kano omanop so tao a omanoyong jya an, ta tey masaray sira an.

Yowani 5:44

Nyo ikeykakza pa o da kazwazway jinyo no kadwan jinyo. Nyo jyakzan o azwazway a yapo ji Ama ta do to. Ori o yanyo ji nganoyngi jyaken.

Loma 2:10

Am o manidong a tao am tana tao do Yotay a tana beken a tao do Yotay am ipanta na sira so azwazway da kano ikeynakem da kano ikapiya no onowned da.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

Loma 8:18

Ko naknakmen o alalaw ta sicyaikwaya am jyabo kapakataha na so yaomanam a azwazway ta no makwa.

Loma 9:23

Am na kapacita nya jyaten so rako a pangangasyan na. Ta yaten rana ya am nipamnekan na yaten a macikazway jya no makwa.

1 Kedinto 15:42

Akman so sang, ta meytarek o kataotao ta do teyngato a kado teyrahem. Ta no si mirwa ta mavyay am vayo rana o kataotao ta a ji rana wakwak.

1 Kedinto 15:50

Manga kakteh, o ko ipanci am o kataotao ta sicyaikwaya am ji macikaop do italamozong na ni Ama ta do to no makwa, ta mawakwak o kataotao ta do teyrahem eya.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

Cyalatay 6:9

Am ori o ji ta macimaziknai a mapeyvazay so apya vazay. Ta no si to ta ngotokot a mahap so akman sang a vazay am no marateng o araraw no makwa am amyan so nakem na jyaten ni Ama ta do to.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

1 Timotay 1:17

Inaoy no to ta meyyonong a omazwazway si Ama ta do to a Panirsirngen ta. Ta iya rana am jyawakwak a jyacita a meyngongyod a Tao do to. Amin.

2 Timotay 1:10

Yarana nimangononong o akman sang a na sidongan jyaten. Ta yarana nimeyhekas si Yeso Kizisto a yamapatazadang jyaten. Am ori o ji ta nyahei no kawakwak ta, ta amyan rana jyaten so to meyyonong a ikavyay no pahad ta. Ori rana am ipanci na jyaten do Mapasaray a Ciriciring na.

Sipolay 2:7

No kamaog mo sira am maveveveh pa sira kano tinsi. Am kanisomakop mo jira no azwazway mo,

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

Sipolay 6:15

Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.