Loma 2:5 - Seysyo No Tao

⁵ Am yamo kakmey mavota so onowned a yaji mamlis. Am no si marateng rana o araraw na no peyoyaoyyan na ni Ama ta do to am jyabo kaji nakdekdengan pa no ipasingsingkad na jimo no ji mapeycyakaban so tao a Tao do to a.

Loma 2:5 ပူးပေါင်းရင်းမြစ်များ

Loma 1:18

Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Loma 9:22

Akman sang o vazay na ni Ama ta do to. Ta nipacita na o peyoyaoyyan na kano oyowyat na. Am na kato anketkenan do nakenakem na yamwoya no tao do da peyraratenan.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

2 Tesalonicya 1:5

So ikanoyong na no akman so sya a yongkad na no kaji na oyyan ninyo ni Ama ta do to. Ta o nakenakem na jinyo am macikasaray kamo jya do kanoyong nyo rana macikaop do italamozong na ni Ama ta do to.

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

Sipolay 3:15

Ta maniring do Seysyo am, “No si mamizing nyo o ciring na jinyo ni Ama ta do to sicyaraw eya am taosya o keynara nyo so ineynapo nyo a to nazibo nya a ji ngamizing si Ama ta do to.”

Sipolay 4:7

Na rana vahangsowen do jya o na kapamnek ni Ama ta do to so kasaraw a yaipanci a “sicyaraw eya.” Mownay am toywen na ni Tawey o ciring ni Ama ta do to. So na idket rana do Seysyo. Maniring am, “No si mamizing nyo sicyaraw eya o ciring na ni Ama ta do to am ji nyo a oyyan.”

Yake 5:3

Mangay karaci no nizpi nyo. O raci no nizpi nyo am yongkad no kababayo nyo. So icyakma ney apoy no nizpi nyo a ombalinas jinyo. Ikeykongo kamo a yato ngimong no kangangay nyo, do yana ikakeykai rana no araraw no peyoyaoyyan na ni Ama ta do to.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

Yota 1:6

Naknakmen nyo sira o nimeyraraten a tinsi a ji niomamizing si Ama ta do to a to ngaro do apiya yanan da do teyngato. Sira rana am na sira to peyyononga yavaoden ni Ama ta do to a yaneban do kasarisaryan a yaomapanala so araraw no ipasingkad na sira.

Ipaziman 2:21

Nipanci ko rana jya o kapamlis na am ji na ablisi o kapasagpyan na so kataotao na.

Ipaziman 6:17

Ta oya rana o araraw no ipakaranes no da peyoyaoyyan. Sino todavangon do dang.”