Loma 2:3 - Seysyo No Tao

³ O nyo raten a vazay da no tao am ori o nyo peyvazain. Am makatayo ka do peykapyapinpinan na rana so tao ni Ama ta do to?

Loma 2:3 ပူးပေါင်းရင်းမြစ်များ

Matay 23:33

Inyo rana yakmey katonodan no tokza am jyabo kapakaliklik nyo so pasingsingtan na jinyo ni Ama ta do to do kararatan a.

Matay 26:53

Manngwa, mo jyatenngi yaken? Ta si tawagan ko si Ama am jyabo kaji na manovoyan so makazivo a tinsi a somidong jyaken a.

Locya 12:14

Maniring si Yeso am, “Mo kahakay, sino yamanci nimo a tomeneng jyaken a omvonong so kangangay nyo.”

Locya 22:58

Ji pa meyyonownay am to ngyan pa so tao a tomita sya. Maniring am, “Kapacihcihza mo ji Yeso asyo am.” Maniring si Pite am, “Ko jyatenngi mo ipanci ang.”

Locya 22:60

Maniring si Pite am, “Ko jyatenngi o mo ipanci ang.” Ji na pa teyka o ciring na am nitazokokokan na rana no manok.

Loma 1:32

Tana katenngan da si Ama ta do to a amwoya no akman so sang a vazay am da jyamamman, ta da ikeykavevek a yamanara so tao a akman sira so vazay.

Loma 2:1

Yata katenngan o kanoyong na no oyaoyyan na ni Ama ta do to no akman so sang a tao. Am no si manamwad ka so tao am raraten mo ori. Ta o peyraratenan mo so sang am mo ipanci o kataotao mo a abo so karatan.

Loma 9:20

Am sinosino ka a to makadket ji Ama ta do to a yapasobnan. Kadketan no tana kapanci na nya do meytanatana tao so, “Mo akmanan jyaken so sya so kamamaogan.”

1 Tesalonicya 5:3

No si maniring o tao am, “Cyaha, ta tanyo apiya,” am jyakman sang, ta jyaziman o alalaw a makaranes a ombalinas sira, akman so meyrehrehmet a mavakes a ji rana makatayo do alalaw na.

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.